KAYAMANAN ED SALITA NA DIOS | JOB 1-5
Pinansiansia nen Job so Integridad To Sanen Nasusubok
Si Job et manaayam ed Uz legan ya naaripen iray Israelita diad Ehipto. Anggano aliwan Israelita si Job, sikatoy matoor ya lingkor nen Jehova. Baleg so pamilya to, mayaman, tan maimpluensya ed lugar da. Sikatoy igagalang ya mananimbawa tan patas ya ukom. Sikatoy maiter ed saray mairap-bilay tan mankaukolan. Si Job et sakey a toon walaay integridad.
Impanengneng nen Job ya si Jehova so sankaimportantian ya Persona ed bilay to
-
Inimano nen Satanas so integridad nen Job. Ag-imbaga nen Satanas ya aliwan maunor si Job ed si Jehova; imbes, say kinuestion to et say motibo nen Job
-
Inyakusa nen Satanas ya manlilingkor si Job ed si Jehova lapud walay nagunggona to
-
Pian ebatan so akusasyon nen Satanas, inabuloyan nen Jehova si Satanas ya atakien iyan matoor a too. Pinairap nen Satanas si Job diad impangiter toy nantutumbokan ya trahedya
-
Nen pinansiansia nen Job so integridad to, kinuestion nen Satanas so integridad na amin a totoo
-
Agnankasalanan si Job tan agto imbagan say Dios et manggagawa na antokaman a mauges
