Ag-itayo perpekto kanian kaukolan tayon tuloytuloy ya kontrolen so pilalek tayo. No basta ti labat gawaen iray pilalek tayo, ompan nabalang tayoy panangabobon nen Jehova. Singa bilang, insalat na arum so panangaro da ed Dios lapu labat ed pilalek da ed naakan, kawes, tan panayaman. Say arum et imbaliwala da ray estandarte na Dios pian labat peneken so seksual ya pilalek da. (Rom 1:26, 27) Say arum balet et nampadaeg ed pressure ta labay dan naawat ira na arum.—Ex 23:2.

Panon tayon nakontrol iray pilalek tayo? Nepeg tayon gawaen so anggaay nayarian tayon manpokus ed espiritual iran bengatla. (Mat 4:4) Ontan met, kaukolan tayoy mikasi ed si Jehova ya tulongan to tayon nakontrol iray pilalek tayo. Akin ey? Ta mas amta to no antoy sankaabigan parad sikatayo tan no panon tayon napenek iray dugan pilalek tayo.—Sal 145:16.

BANTAYAN SO VIDEO YA AGMO DEDERALEN SO BILAY MO LAPUD SIGARILYO, INSAN EBATAN IRAYAN TEPET:

• Akin et mansisigarilyo so arum?

• Antoy epekto ed sika no mansigarilyo ka?

• Akin et makapuy so pansigarilyo tan pan-vape?—2Co 7:1

• Antoy gawaen mo no ayaten ka na arum ya mansigarilyo, odino no bilang ta adik ka lad satan?