LEKSION 10
Panguman-uman na Boses
Proverbio 8:4, 7
SUMARYO: Ipasabi ya malinew iray ideya tan sagyaten so emosyon diad panguman-uman mod kakasil, tono, tan peles na panagsalitam.
NO ANTOY GAWAEN:
-
Pandurumam so kakasil. Ikasil moy boses mo pian idanet iray manunan punto tan pakiwasen iray ondedengel. Ontan met so gawaen mo no manbabasa ka na saray teksto nipaakar ed panangukom. Ikalnam so boses mo pian mas talaranan day onsublay ya ibagam odino pian ipatnag so takot odino pakakaaburido.
-
Pandurumam so tono. No ipapatnag moy ligsa odino ipapaimanom so kabaleg odino kaarawi, itagey moy tono na boses mo. Balet no ipapatnag moy ermen odino pakakaaburido, iyabebam so tono na boses mo.
-
Pandurumam so peles. Pelesan moy pansalitam pian ipatnag mon eksayting so ibabagam. Mansalitan matantan no ibabagam iray importantin punto.
