LEKSION 15
Siopa si Jesus?
Manlapu la nensaman, dakdakel lay makankabat ed si Jesus. Pero say amta labat na dakel ya totoo ed sikato et say ngaran to. Diad tua, et agdan talaga kabat tan nandurumay ibabaga da tungkol ed sikato. Anto balet so ibabaga na Biblia tungkol ed si Jesus?
1. Siopa si Jesus?
Si Jesus et sakey ya makapanyarin espiritu ya manaayam ed tawen. Sikatoy sankaunaan ya pinalsa nen Jehova a Dios. Kanian sikatoy tinawag ya “say panguloan na amin a pinalsa.” (Colosas 1:15) Tinawag met na Biblia si Jesus ya “bogbogtong ya Anak” na Dios ta sikato labat so direkta ya pinalsa nen Jehova. (Juan 3:16) Insan, akitulongan si Jesus ed Ama to ya si Jehova ed panggawa na arum nin bengatla. (Basaen so Proverbio 8:30.) Manlapu la nensaman, maap-apit so liknaan nen Jesus ed si Jehova. Sikatoy tinawag ya “say Salita,” ta matoor ton ipapasabi iray mensahe tan bilin na Dios.—Juan 1:14.
2. Akin et linma diad dalin si Jesus?
Manga 2,000 a taon lay apalabas, inusar nen Jehova so masanton espiritu to pian manggawa na milagro. Manlapud tawen, inyalis toy bilay nen Jesus ed eges na sakey a birhen, si Maria. Kanian, niyanak ya too si Jesus. (Basaen so Lucas 1:34, 35.) Imbaki nen Jehova si Jesus diad dalin pian magmaliw ya impromisan Mesias, odino Kristo, ya mangiligtas ed totoo. a Amin ya propesiya na Biblia tungkol ed Mesias et agawa ed sikato. Kanian abidbir na totoo si Jesus bilang “Kristo, say Anak na mabilay a Dios.”—Mateo 16:16.
3. Kawalaan la natan nen Jesus?
Kayari impatey nen Jesus bilang too, sikatoy pinaoli odino binilay lamet bilang espiritu tan pinmawil ed tawen. Diman, “sikatoy intandoro na Dios ed mas atagey a posisyon.” (Filipos 2:9) Kanian natan, atagtagey so posisyon nen Jesus—sikatoy onkokomadua ed si Jehova.
DAKEL NI NAARALAN MO
Amtaen ni no siopan talaga si Jesus, tan no akin ya importante ya sikatoy kabaten mo.
4. Aliwan si Jesus so Makapanyarin-amin a Dios
Ibabangat na Biblia ya anggano si Jesus et makapanyarin espiritu ya pinalsa ed tawen, sikatoy manpapasakop ed Dios tan Ama to, si Jehova. Akin et ontan so imbaga tayo? I-play so VIDEO pian nanengneng so ibabaga na Biblia no panon ya duma si Jesus ed makapanyarin-amin a Dios.
Makatulong iray teksto pian natalosan tayo ya duma si Jehova ed si Jesus. Basaen so kada teksto, insan ebatan iraya.
Basaen so Lucas 1:30-32.
-
Antoy imbaga na anghel ya relasyon nen Jesus tan si Jehova a Dios, say “Sankatagyan”?
Basaen so Mateo 3:16, 17.
-
Nen abautismoan si Jesus, antoy imbaga na boses manlapud tawen?
-
Siopa kasi may mansasalita?
Basaen so Juan 14:28.
-
Siopay mas matatken tan walaan na mas baleg ya autoridad, say ama odino anak?
-
Antoy labay ya ibaga nen Jesus nen tinawag to si Jehova ya Ama to?
Basaen so Juan 12:49.
-
Inisip kasi nen Jesus ya saksakey iran persona nen Ama to? Antoy nibagam ey?
5. No anto ray ebidensya ya si Jesus so Mesias
Nabasa ed Biblia iray dakel ya propesiya pian nabidbir na totoo no siopa so Mesias—say pinili na Dios ya mangiligtas ed totoo. I-play so VIDEO pian naamtaan no anto ray arum ya propesiya ya asumpal ed si Jesus nen linma diad dalin.
Basaen iray walad leksab ya propesiya ed Biblia, insan ebatan iraya:
Basaen so Miqueas 5:2 pian naamtaan no iner iyanak so Mesias. b
-
Kasin diman niyanak si Jesus tan agawa iyan propesiya?—Mateo 2:1.
Basaen so Salmo 34:20 tan Zacarias 12:10 pian naamtaan iray propesiya tungkol ed ipatey na Mesias.
-
Kasin asumpal irayan propesiya?—Juan 19:33-37.
-
Parad sika, nakontrol kasi nen Jesus irayan situasyon pian nasumpal ed sikato so anggan dinan ed sarayan propesiya?
-
Antoy ipapaamta na saya tungkol ed si Jesus?
6. Natulongan itayo no kabaten tayon maong si Jesus
Ibabangat na Biblia ya importantin kabaten si Jesus tan no anto ray responsabilidad ya inter na Dios ed sikato. Basaen so Juan 14:6 tan 17:3, insan ebatan iya:
-
Akin et importante ya kabaten si Jesus?
Si Jesus so dalan pian nakaaro tayo so Dios. Imbangat to so katuaan tungkol ed si Jehova, tan panamegley to, nawalaan tayo na bilay ya anggapoy anggaan
IBABAGA NA ARUM: “Saray Tasi, agmanisia ed si Jesus.”
-
Antoy iyebat mo ey?
SUMARYO
Si Jesus et sakey ya makapanyarin espiritu, Anak na Dios, tan say Mesias.
Rebyu
-
Akin et tinawag si Jesus ya “say panguloan na amin a pinalsa”?
-
Anto ray ginawa nen Jesus antis ya linma diad dalin?
-
Panon tayon amta ya si Jesus so Mesias?
DISKOBRIEN
Amtaen ni no anto ray responsabilidad nen Jesus bilang Mesias.
“Kasin Saray Propesiya ed Biblia et Prueba ya si Jesus so Mesias?” (Artikulo ed website)
Amtaen no kasin ibabangat na Biblia ya say Dios et literal ya ama nen Jesus ya singa panaanak na saray totoo.
“Akin et Tinawag ya Anak na Dios si Jesus?” (Artikulo ed website)
Aralen no akin ya ag-ibabangat na Biblia so Trinidad.
“Kasin si Jesus so Dios?” (Say Panag-bantayan, Abril–Hunyo 2009)
Basaen no panon ya anguman so bilay na sakey ya bii nen inimbestigaan to no antoy ibabaga na Biblia tungkol ed si Jesus.
“Impaliwawa na Sakey ya Judion Bii no Akin ya Inuman To so Papanisiaan To” (Onliing!-E, Mayo 2013)
a Pantongtongan diad Leksion 26 tan 27 no akin ya kailangan na totoo so niligtas tan no panon itayon inligtas nen Jesus.
b Nengnengen so Kaaruman ya Impormasyon 2 parad sakey ya propesiya ya eksakton angipaamta ed isabi nen Jesus diad dalin.
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
