LEKSION 39
Panmoria na Dios ed Dala
Importante so dala. No anggapo itan, ag-itayo nabilay. Lapud say Dios so Amalsa, karapatan to ya ibaga no panon ya usaren so dala. Antoy ibabaga to nipaakar ed dala? Sarag tayo kasin kanen odino isaksak itan? Tan panon tayon makagawa na duga iran desisyon ed saya?
1. Antoy panmoria nen Jehova ed dala?
Nensaman, imbaga nen Jehova ed saray mandadayew ed sikato: “Say bilay na amin a klase na laman et say dala to.” (Levitico 17:14) Parad si Jehova, irerepresenta na dala so bilay. Lapud say bilay et sagrado odino masanton regalo na Dios, say dala et sagrado met.
2. Antoy ibabawal na Dios ya pangusaran ed dala?
Antis na panaon na saray Kristiano, ingganggan nen Jehova ed saray mandadayew ed sikato ya ag-ira mamangan na dala. (Basaen so Genesis 9:4 tan Levitico 17:10.) Tan malinew ya agto inuman iyan ganggan ta imbilin na mananguley ya ulop ed saray Kristiano: “Itultuloy yon arawian [so] dala.”—Basaen so Gawa 15:28, 29.
Antoy labay ya ibaga na arawian so dala? No imbaga na doktor mo ya arawian moy alak, agka oninum. Pero, mangan ka kasi nanlaok na alak? Odino isaksak mo kasi so alak ed ulat mo? Siempre andi! Ontan met, lapud ingganggan na Dios ya arawian tayo so dala, labay ton ibaga, agtayo oninum na dala odino mangan na karne ya agnipatedter so dala. Tan agtayo met mangan na walay laok ton dala.
Panon to balet no usaren so dala ed pampatambal? Wala ray paraan na panagpatambal ya malinew ya kontra ed ganggan na Dios. Kaibad saya so pampasaksak na puron dala, odino anggan anto ya manunan kabiangan na dala—say red cell, white cell, platelet, tan plasma. Saray arum ya paraan na panagpatambal et aliwan espisipiko no kasin kontra ed ganggan na Dios. Singa bilang, saray arum ya paraan na panagpatambal et manguusar na fraction ya nanlapu ed manunan kabiangan na dala. Saray arum balet et uusaren so mismon dala na pasyente. No aaralen na sakey irayan opsyon, sikaton mismo so mandesisyon ed satan. a—Galacia 6:5.
DAKEL NI NAARALAN MO
Amtaen no panon kan makapandesisyon ed panagpatambal ya nalalanor so dala.
3. Seguradoen ya makapaliket ed si Jehova so desisyon mo ed panagpatambal
Panon mon nasegurado ya say desisyon mo ed panagpatambal et makapaliket ed Dios? I-play so VIDEO, insan pantongtongan no akin ya importantin tumboken irayan paraan.
-
Manpikasi ka tan kerew moy karunongan.—Santiago 1:5.
-
I-research iray prinsipyo na Biblia tan no panon iratan ya onaplika.—Proverbio 13:16.
-
Amtaen no anto ray opsyon ya napanpilian ed lugar yo.
-
Amtaen no anto ray opsyon ya talagan agmo naawat.
-
Seguradoen ya agmo pakakonsiensiaan so desisyon mo.—Gawa 24:16. b
-
Tandaan ya agka nepeg ya diktaan na anggan siopa—anggan say asawam, elder, odino say mangiyaaral na Biblia ed sika—ed saray dedesisyonan ya akadepende ed konsiensiam.—Roma 14:12.
-
Manggawa ka na sulat ya mangipapaamta ed desisyon mo.
4. Labay na Saray Tasi nen Jehova so sankaabigan ya panagpatambal
Sarag tayon unoren so ganggan na Dios nipaakar ed dala tan makaawat na sankaabigan ya panagpatambal ya ag-uusaren so dala. I-play so VIDEO.
Basaen so Tito 3:2, insan ebatan iya:
-
Akin et mikoopera tayo ed saray doktor tan marespeto tayo no mitotongtong ed sikara?
|
Ag-aawaten |
Desisyonan na Kristiano |
|---|---|
|
A. Plasma |
Fraction ya inala ed plasma |
|
B. White cell |
Fraction ya inala ed white cell |
|
C. Platelet |
Fraction ya inala ed platelet |
|
D. Red cell |
Fraction ya inala ed red cell |
5. No ikokonsidera so blood fraction
Walay apatiran manunan kabiangan na dala—say red cell, white cell, platelet, tan plasma. Sarayan apat et dakel so angkekelag ya kabiangan da ya tatawagen ya blood fraction. c Sarayan fraction et uusaren ya pantambal ed nanduruman sakit odino pian napatunda so pampaparala.
No nipaakar ed blood fraction, kailangan ya mandesisyon so kada Kristiano base ed konsiensia to ya impasal ed Biblia. Wala ray nandesisyon ya agda awaten so paraan na panagpatambal odino operasyon ya uusaran na blood fraction. Saray arum balet et naawat na konsiensia da so pangusar na blood fraction.
No mandedesisyon ka, ikonsideram iyan tepet:
-
Panon kon nipaliwawa ed doktor ko no akin ya agko labay odino labay ko iyan blood fraction?
NO ITEPET NA ARUM: “Antoy uges na pampasaksak na dala ah?”
-
Antoy ibagam ey?
SUMARYO
Labay nen Jehova ya ipasen tayon masanto so dala.
Rebyu
-
Akin et ipapasen nen Jehova ya sagrado so dala?
-
Panon tayon amta ya diad samay ganggan na Dios ya arawian so dala et kaiba so pampasaksak na dala?
-
Panon kan makagaway dugan desisyon ed panagpatambal ya nalalanor so dala?
DISKOBRIEN
Anto ni ray kailangan mon ikonsidera antis kan mandesisyon ed paraan na panagtambal ya usaren so sarilim ya dala?
“Tepetepet Manlapud Saray Managbasa” (Say Panag-bantayan, Oktubre 15, 2000)
Anto ni ray kailangan mon ikonsidera no mandedesisyon ka no kasin awaten mo so blood fraction?
“Tepetepet Manlapud Saray Managbasa” (Say Panag-bantayan, Hunyo 15, 2004)
Antoy akakombinse ed sakey a doktor ya talagan duga so panmoria nen Jehova ed dala?
“Tinanggap Ko ang Pangmalas ng Diyos Hinggil sa Dugo” (Gumising!, Disyembre 8, 2003)
Amtaen no panon ya ontutulong ed agagi iray elder ya kabiangan na Hospital Liaison Committee.
a Nengnengen so Leksion 35, “No Panon Tayon Makapandesisyon na Duga.”
b Nengnengen so punto 5 ya “No Ikokonsidera so Blood Fraction,”tan Kaaruman ya Impormasyon 3, “Paraan na Panagpatambal ya Nalalanor so Dala.
c Ipapasen na arum a doktor ya fraction so apatiran manunan kabiangan na dala. Kanian ompan kailangan mon ipaliwawa so personal ya desisyon mo ya agka manpasaksak na puron dala odino red cell, white cell, platelet, o plasma.
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
