WALA KASI NANDESINYO?
Say Sekreto na Genggeng Abung
SAY genggeng abung ya nanengneng ed America (Parasteatoda tepidariorum) et mamapawalay linat ya no diad padir et mapekepeket balet no diad leksab et mainomay a naaknit. No nadalanan iya na insekto, sayan patit et napinat ya singa spring. Panon a makakapawala iyan genggeng na linat ya parehon mapekepeket tan mainomay ya naaknit?
Scaffolding silk
Nonot mo pa: Ipepeket na sayan genggeng so linat to ed padir o gubida, diad pangilaga to ed mapekepeket a silk ya tatawagey scaffolding disc. Matibay iya kanian nasarag toy puersa na ontitikyab ya insekto. Balet adiskobre na saray researcher ed University of Akron, Ohio, U.S.A. ya baleg so pidumaan na inkadesinyo na saray silk ya akapeket ed leksab, a tatawagey gumfoot disc. Lapud mas daiset so koneksion na saray gumfoot disc no ikomparad scaffolding disc, mas mainomay itan ya naaknit tan napatitan so insekton ondalan ed satan.
Gumfoot silk
Unong ed report ya nanlapud University of Akron, saramay researcher ya akadiskobre ed sayan makapakelaw ya bengatla et “manggagawa la na artipisyal a panagpeket ya aaligen da so marundunong ya paraan na panagdesinyo a singa gagawaen na genggeng abung.” Mailalo iray scientist ya makaimbento ira na panagpeket ya nausar balanglan diad simplin benda odino diad pangipawil ed aputer ya pukel.
Antoy nibagam? Kasin say abilidad na genggeng abung ya makapawalay linat ya mapekepeket balet mainomay met ya naaknit et linmesa lapud ebolusyon? O walay nandesinyod satan?
Ompan Nagustoan Mo Met
ONLIING!
Say Kurti na Saray Shell ed Dayat
Lapud kurti tan inkagawa na saray shell ed dayat et naproprotektaan so laman ya walad loob.
ONLIING!
Say Masileng ya Kolor-Asul na Pollia Berry
Sayan berry et anggapoy kolor ya asul ed cell walls na ubak to, pero saya so walaan na sankasilengan ya asul ed saray tanaman. Akin et masileng ya asul so kolor to?
ONLIING!
Say Bago na Sea Otter
Saray pigaran mammal ed danum et makakapal so taba ed katat da pian ag-ira naketel. Duma balet so sea otter.
ONLIING!
Say Teknik na Bubuyog no Ondapo
Antoy teknik da no ondadapo ya makatulong diad panggawa na makatikyab iran robot?
ONLIING!
Say Panlaban ed Petang na Silver ya Gilata ed Sahara
Sayan insekto et kabkabat ya talagan matibay ed petang. Panon ya nasasarag na silver ya gilata so ampetapetang ya temperatura?
ONLIING!
Say Buek na Tahong ed Dayat
Saray tahong et ompepeket panamegley na saray buek da. No aralen no panon iran ompepeket, nayarin makadiskobre na balo tan mas malet ya paraan na pangikabit na saray kagawaan diad bilding, odino pangisuldong na ulat ed saray pukel.
