PARAD SANASAWA
2: Teamwork
NO ANTOY LABAY YA IBAGA NA SATAN
No walay teamwork na sanasawa, singa ra piloto tan assistant ya piloto ya mantutulongan pian makasabi rad destinasyon da. Anggano wala ray onlesan problema, say isipen na kada sakey et “sikami” aliwan “siak.”
PRINSIPYO ED BIBLIA: “Aliwa la ran duara, noagta sakey a laman.”—Mateo 19:6.
“Diad relasyon na sanasawa, aliwan saksakey so mansagpot. Kaukolan ya mantulongan so sanasawa pian magmaliw iran maliket.”—Christopher.
NO AKIN YA IMPORTANTE
No walay agpantatalosan, say sanasawan anggapoy teamwork da et walay tendensia dan tetelen so sakey tan sakey imbes ya solusyonan day problema. Saray angkekelag ya isyu et pababalegen da.
“Kakkaukolan so teamwork ed relasyon na sanasawa. Kanian no agkami mantulongan bilang team, singa kami labat roommate aliwan sanasawa—saniba kami pero agkami makapanpakna no manggawa kami na importantin desisyon.”—Alexandra.
NO ANTOY NAYARIN GAWAEN MO
ISIP MO PA
-
Kasin ipapasen kon “gawak ya bukor” so nanaalmok ya kuarta?
-
Pian makapanrelaks ak ya maong, kasin kaukolan koy onarawi ed asawak?
-
Kasin iiwasan ko ray kakanayon nen asawak anggano maapit ed sikara?
PANTONGTONGAN YON SANASAWA
-
Diad anto ran bengatla ya mantutulongan ta bilang team?
-
Anto ni ray kaukolan ta ya paaligwasen?
-
Anto ray nayari ta’n gawaen pian mas makapantulongan ta?
SUHESTION
-
Imadyin mon manggagalaw kayo na tennis ya nandumaan kayoy team. Antoy gawaen mo pian nakaibam so asawam ed sakey ya team?
-
Imbes ya say isipen mo et, ‘Panon ak ya manalo?’ say dapat mon isipen et ‘Panon kamin manalo?’
“Agmo la nononoten no siopay duga tan no siopay aliwa. Mas importante so kareenan tan pankakasakey ed relasyon na sanasawa.”—Ethan.
PRINSIPYO ED BIBLIA: “[Anap yo] so pankaabigan na arum, aliwan say pankaabigan yo labat.”—Filipos 2:3, 4.
