ONLIING! No. 2 2019 | Anemiran Leksion a Nepeg ya Ibangat ed Ananak
Anemiran Leksion a Nepeg ya Ibangat ed Ananak
Anton ugali so labay mon niwala ed anak mo no adulto la?
Walaan na kontrol ed sarili
Mapaabeba
Matatag
Responsable
Makalakal
Matua
Saratan ya ugali et agnaaralan ya bukor na ananak. Kaukolan day bilin mo.
Ipaliwawa ed sayan magasin so anemiran importantin leksion ya sarag mon ibangat ed anak mo—saray leksion ya ontulong ed sikato no adulto la.
Makatulong so Kontrol ed Sarili
Akin ya importante so kontrol ed sarili, tan panon ya naaralan itan?
No Panon so Magmaliw ya Mapaabeba
No ibangat moy anak mo ya magmaliw ya mapaabeba, makatulong itan ed sikato natan tan anggad ibaleg to.
No Panon so Magmaliw ya Matatag
Saray anak ya naaralan day magmaliw ya matatag et akaparaan ya onarap ed saray mairap a situasyon ed bilay.
No Panon so Magmaliw ya Responsable
Diad anton edad makaaral so sakey a magmaliw ya responsable, no ugaw ni odino no adulto la?
Importante so Bilin na Saray Adulto
Kaukolan na ananak so napanmatalkan ya bilin, balet iner so napangalaan dad satan?
Kaukolan ya Naamtaan so Duga tan Aliwa
No ibangat mod ananak mo iray atagey ya estandarte ed moral, marakep so pansumpalan da.
Kaaruman ya Tulong Parad Atateng
Kaukolan met na atateng so napanmatalkan a giya no panon a magmaliw ya maliket so bilay. Parad kaaruman ya impormasyon, onlad jw.org.
