LUGAR TAN TOTOO
Ombisita Tayod New Zealand
MANGA 800 taon lay apalabas nen nambiahe na nilibon kilometro ed dayat iray tribu na Maori tan nanayam irad New Zealand. Adiskobre day dalin ya duman maong ed saray tropical ya isla na Polynesia ya nanlapuan da. Say asabi dan lugar et mapalandey, amayamay so angkakabaleg ya yelo, tan dakel so hot spring tan snow. Kayari na manga 500 ya taon, sinmabi so sananey a lahi ya nanlapu nid Europe. Natan, say tradisyon na saray maslak ya taga New Zealand et nanlaok ya Anglo-Saxon tan Polynesian. Ngalngali 90 porsiento na populasyon et manaayam ed syudad. Say syudad na Wellington et kabkabat ya sankaarawian ya capital diad south ya parte na mundo.
Manlelwag ya pitek diad North Island
Lapud nikadkaduma tan balibali iray lugar ed New Zealand, onaabot ed taloran milyon ya turista so ompapasyar ditan kada taon anggano arawrawi.
Say kiew a silver fern ya ombaleg na anggad masulok ya 10 metro (30 piye)
Antis na 1948, iisipen na arum ya say ag-ontitikyab a manok ya takahe et naupot la
Nanengneng ed New Zealand iray nikadkaduman ayayep, tan ditan so kawalaan na sankarakelan ya ag-ontitikyab iran manok diad interon mundo. Wadtan met so tuatara, ya singa tilay so itsura to tan manbilay na anggad 100 a taon! Say wadtan labat ya native ya mammal et pigaran klase na kaging tan pigaran angkakabaleg iran mammal ed dayat, singa say balyena tan dolphin.
Ngalngali 120 taon la ya wala ray Tasi nen Jehova ed New Zealand. Ibabangat day Biblia diad 19 ya lenguahe, kaiba lay lenguahe ed Polynesia ya Niuean, Rarotongan, Samoan, tan Tongan.
Saray Maori ya onsasayaw tan akasulong na tradisyonal a kawes
Ompan Nagustoan Mo Met
ONLIING!
Ombisita Tayod Kazakhstan
Saray Kazakh nensaman et kaslakan ya onaalis-alis na ayaman tan manaayam irad yurt. Panon ya nanengneng ed modernon bilay da so tradisyon na inmuunan atateng da?
ONLIING!
Ombisita Tayod Spain
Say Spain et sakey a bansa ya nandurumay itsura na lugar tan nandurumay klase na totoo ditan. Say Spain so bansan sankarakelan so ipro-produce ton sakey ed saray kabkabat ya oil ed interon mundo.
ONLIING!
Ombisita Tayod Kyrgyzstan
Saray Kyrgyz et marespeton totoo tan maasikaso ed saray bisita. Anto ray kustombre na saray pamilya da?
