SAY PANAG-BANTAYAN No. 2 2020 | Anto so Panarian na Dios?
Nilasus taon lan itetepet iya na totoo. Walad Biblia so ebat.
“Onsabi Komon so Panarian Mo”—Say Dasal na Minilyon a Totoo
Anto ran tepet nipaakar ed Panarian na Dios so kaukolan ya naebatan pian natalosan tayoy labay ya ibaga na satan ya pikakasi?
Akin et Kaukolan Tayo so Panarian na Dios?
No uleyan na aliwan perpekton totoo so sarili da, manresulta itan ed dakel ya problema.
Siopa so Ari ed Panarian na Dios?
Insulat na pigaran nansulat ed Biblia iray detalye ya pakabidbiran ed samay magmaliw ya Ari ed Panarian na Dios. Diad amin ya toon nambilay, saksakey labat so eksakton tutukoyen na amin ed saratan ya detalye.
Kapigan Uleyan na Panarian na Dios so Dalin?
Labay met itan ya naamtaan na saray matoor ya papatumbok nen Jesus. Panon ton inebatan itan ya tepet?
Antoy Gawaen na Panarian na Dios?
Amta nen Jesus ya say Panarian na Dios labat so gobierno ya manresolbe ed saray problema diad dalin. Anto lay agawaan na Panarian pian pantiwalaan tayo itan?
Suportaan Mo La Natan so Panarian na Dios!
Binilin nen Jesus iray patumbok to ya anapen da nin unonan so Panarian. Panon mon gawaen itan?
Panarian na Dios—Anto Itan?
Dakel so totoon mandadasal ya onsabi la komon so Panarian na Dios, balet naisip mo la kasi no anto so Panarian na Dios tan no antoy gawaen na satan?
