Diad pambabasam na Biblia, naanap mo ray espiritual ya kayamanan no man-research ka. Panon mon nagawaan itan?

Imanom iray detalye ed babasaen mon salaysay ed Biblia. I-research mo no siopay nansulat, kapigan to insulat, tan no parad siopa itan. Antoy situasyon ed saman, antoy agawa antis to itan, tan antoy agawa kayari to?

Isip mo no anto ray naaralan mon leksion. Isip moy ebat ed sarayan tepet: ‘Antoy alikna na saray karakter ed sayan salaysay? Anto ran ugali so impanengneng da? Panon kon naalig so maong ya ugali ra? Antoy gawaen ko pian naiwasan koy makapuy ya ginawa ra?’

Iyaplikam so naaralan mo diad ministeryo o diad panagtratom ed arum ya too. No gawaen mo itan, napatunayan mo ya tua imay imbaga nen Jesus: “Amta yo la iraya, [kanian] maliket kayo no gawaen yo.”​—Juan 13:17.

• Tips: Iparaan mon maong so parte ya Kayamanan ed Salita na Dios diad midweek ya aral. Makatulong itan pian niyaplikam iray espiritual ya kayamanan. Wala ray tepet ya panisipen to ka, punto ya balibalin dalepdepen, tan makatulong iran litrato pian nausisam so sarilim.