Mandedesisyon iray totoo no siopa ray pilien dan lider.

 Antoy ibabaga na Biblia?

 Ibabaga na Biblia so limitasyon na saray totoon lider.

•   “Agkayo manmamatalek ed saray prinsipe odino diad anak na too, ya agmakapangiliktar. Say linawa to et ompapaway, sikatoy ompapawil ed dalin; diad satan a mismon agew et naandi so nonot to.”—Salmo 146:3, 4, paimanod leksab.

 Anggan saray sankarunongan lan lider et ompatey lanlamang ira. Sakey ni, agda nipaseguro ya saray marakep ya agawaan da et ituloy na saramay onsublay ed sikaran manuley.—Eclesiastes 2:18, 19.

 Diad tua, ibabaga na Biblia ya agbalot sarag na too ya uleyan so sarili to.

•   “Agkanepegan na too ya igiya so dilin kupbang to.”—Jeremias 10:23.

 Wala kasi maong ya lider ed panaon tayo natan?

 Ibabaga na Biblia ya walay pinili na Dios ya sankarunongan tan napantiwalaan ya lider: si Jesu-Kristo. (Salmo 2:6) Si Jesus so Ari ed Panarian na Dios, sakey ya gobierno ya manuuley diad tawen.—Mateo 6:10.

 Kasin pilien mo si Jesus bilang lider mo? Ipapanengneng na Biblia no akin ya importante itan ya tepet:

•   “Igalang yo so anak [si Jesu-Kristo], ta no andi, say Dios et onsanok. Tan naderal kayo, lapud ondalang a tampol so sanok To. Maliket iramay pasasalimbengan ed Sikato.”—Salmo 2:12.

 Natan la so panaon pian mandesisyon ka. Ipapanengneng na propesiya ed Biblia ya ginmapo lay uley nen Jesus nen taon 1914 tan agmanbayag et salatan na Panarian na Dios so amin ya gobierno na totoo.—Daniel 2:44.

 Pian naaruman ni antam no panon mon nasuportaan so uley nen Jesus, basaen so artikulon “Suportaan Mo La Natan so Panarian na Dios!”