Ondadakel so Makakaliknay Ermen—Antoy Gawaen Mo Pian Agka Natalo na Ermen?
“Ngalngali kapaldua ed saray adulto ed U.S. so makakaliknay ermen. Dakel ed sikara so manedad na 18 anggad 25.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.
“Walay binuo na [World Health Organization] ya balon Commission on Social Connection pian naikdan na atension iyan onloloor ya sakit, pian nabangatan iray totoo ya kailangan day mikaaro, tan makadiskobre iray solusyon pian napigilan so idarakel na saray totoon maneermen diad dakel a bansa.”—World Health Organization, Nobyembre 15, 2023.
Wala ray praktikal ya bilin ed Biblia pian nawalaan tayoy kakaaro tan agtayo maermen.
Saray makatulong ya prinsipyo na Biblia
Bawasan moy oras ya manbukbukor ka. Limitaan moy panguusar mod social media. Manggawa kay paraan pian nakaibam ya personal iray totoo pian nawalaan kay tuan kakaaro.
Prinsipyo ed Biblia: “Say tuan kaaro et mangaaro ed amin a panaon tan sakey ya agi a nailaloan diad panaon na gonigon.”—Proverbio 17:17.
Manisip kay paraan no panon mon natulongan so arum. No manggawa kay kamaongan, agka labat magmaliw ya close ed arum, naliketan ka met.
Prinsipyo ed Biblia: “Mas makapaliket so mangiter nen say mangawat.”—Gawa 20:35.
Nengnengen so website mi pian naamtaan moy arum nin impormasyon no panon kan nawalaan na kakaaro.
Ompan Nagustoan Mo Met
TEPET NA SARAY KABATAAN
Akin Kasi et Anggapoy Kaarok?
Aliwan sika labat so makakaliknay ermen tan singa anggapoy kaaro. Amtaen no antoy ginawa na arum ya kabataan pian nalabanan da itan ya liknaan.
ARUM NIN TOPIC
Positibo Anggano Bukbukor Mo—Panon?
No pakaliknam et bukbukor mo, singa anggapo lay ilalom tan agka la maliket—pero aliwan tua itan.
TEPET NA SARAY KABATAAN
Antoy Epekto na Social Media ed Siak?
Makapaadik so social media. Nia ray sarag mon gawaen pian nakontrol moy panguusar mo.
WHITEBOARD ANIMATION
Anto so Tuan Kaaro?
Mainomay ya naalmo iray peke ya kaaro, balet panon kan makalmo na tuan kaaro?
NIPAAKAR ED SIKAMI
Man-request na Ombisita ed Sika
Pantongtongan so tepet mo nipaakar ed Biblia, odino amtaen ni kaaruman ya impormasyon nipaakar ed Saray Tasi nen Jehova.
