Dakdakel lay aderal ed Haiti lapud panggugulo na saray gang. Grabe iray nagagawan krimen diad South Africa tan Mexico pati diad arum ni ran bansa ed Latin America. Tan anggan diad saray lugar ya abawasan lay panggugulo, natatakot tan naaaburido nin siansia iray totoo ta nababalitaan dan wala ray natatakewan odino wala ray manederal na abung o luluganan.

 Antoy ibabaga na Biblia nipaakar ed kaugsan ya nagagawa ed interon mundo?

 Impasakbay na Biblia ya say kaugsan et kaiba ed tanda na “kaunoran a parte na sistema na mundo.” (Mateo 24:3) Oniay imbaga nen Jesu-Kristo nen indeskribe to iray nagawa ya kabiangan na satan ya tanda:

•   “Lapud idarakel na kaugsan, ombetel so panangaro na karaklan a totoo.”—Mateo 24:12.

 Impasakbay met na Biblia ya “diad kaunoran iran agew” saray totoo et “anggapoy kontrol da ed sarili ra, masesebeg ira, agda aaroen so kamaongan.” (2 Timoteo 3:1-5) Saratan ya makasarilin ugali so mamapaloor ed mauges ya kagagawa na saray totoo natan.

 Balet walay ilalo tayo. Ibabaga na Biblia ya asingger lan naandi so kaugsan.

•   “Agmanbayag et anggapo lay mauges; nengnengen moy kawalaan da, et anggapo la ra. Balet saray mauyamo et tawiren day dalin, tan manliket iran maong ed agnaparaan a kareenan.”—Salmo 37:10, 11.

 Amtaen ni so ilalon ibabaga na Biblia tan no akin ya makaseguro ka ya saray nagagawa natan et kasumpalan na propesiya ed Biblia. Basaen irayan artikulo.

 “Makakaasa Ka sa Isang Magandang Kinabukasan”

 “Anto so Tanda na “Kaunoran Iran Agew,” odino “Panaon na Anggaan”?”

 “Inihula Ba ng Bibliya na Magiging Ganito ang Ugali ng mga Tao sa Ngayon?”