Manga 70 milyon la natan so emel ed interon mundo, tan dakel ed sikara so makapitongtong panamegley na sakey ed saray masulok ya 200 ya sign language. Pero makapaermen ta kaslakan et aliwliway panagtrato na totoo ed saray emel, singa nanengneng ed sarayan report:

•   “Diad interon mundo, kaslakan et nibabaliwala so karapatan na saray emel tan saray makapuy so pakadngel da.”​—National Association of the Deaf (U.S.).

•   “Diad saray mairap ya bansa, saray emel so sankapobrian, tan ag-ira naiikdan na suston edukasyon, trabaho, tan impormasyon.”​—World Federation of the Deaf.

 Antoy nalilikna na Dios ed saray emel? Antoy ibabaga na Biblia nipaakar ed saray emel? Tan panon iran tutulongan na saray Tasi nen Jehova natan?

No Antoy Pakanengneng na Dios ed Saray Emel

 Ipapaamta na Biblia ya inaro nen Jehova a a Dios iray emel. Labay ton patas so pantrato ed sikara tan naawat day edukasyon ya manlalapud sikato.

 Teksto: “Agyo aayewen so sakey a telek.”​—Levitico 19:14.

 Teksto: “Anggapoy lalabien na Dios.”​—Gawa 10:34.

 Teksto: “Niliber nen Jesus so amin a syudad tan baryo, . . . impupulong to so maong a balita na panarian.”​—Mateo 9:35.

 Teksto: Pinagmaliw ingen nen Jesus ya “makadngel iray telek tan makasalita iray emel.”​—Marcos 7:37.

 Teksto: “Makarengel la ray layag na telek.”​—Isaias 35:5.

 Say labay ton ibaga: Imbaga la nen Jehova ya diad arapen et makadngel iray telek o emel.​—Isaias 29:18.

No Panon ya Tutulongan na Saray Tasi nen Jehova Iray Emel Natan

 Pupulongan na saray Tasi nen Jehova iray emel ed interon mundo pian ipasabi ed sikara so mensahe na Dios nipaakar ed ilalo ya nagawa ed arapen. Anto ray gagawaen mi? Manggagawa kami na Biblia tan saray video ya uusaren ed panag-aral na Biblia diad masulok ya 100 ya sign language. Mangiyoopresi kami met na panag-aral na Biblia tan mangoorganisa kami na saray Kristianon miting ed sign language. Libre iratan parad amin ya malabay ya mangawat na tulong na Dios. Akin? Lapud ingganggan nen Jesus ya: “Inawat yon anggapoy bayar, iter yon anggapoy bayar.”​—Mateo 10:8.

 Sarag yon lukasan iratan diad online odino i-download yo ed gadyet yo panamegley na:

 JW.ORG. Pindoten so icon ya pampilian na lenguahe ed tagey na anggan anton page na website pian naalmo yo ray impormasyon ed espisipiko ya sign language.

 JW Library Sign Language app. I-install iyan libren app ed gadyet yo, tan sarag yon i-download o nabantayan diad online iray video na sign language.

Anto ran Uusaren ed Panag-aral na Biblia so Gagawaen Mi?

 Say Biblia ed sign language. Say Balon Mundo a Patalos na Masanton Kasulatan ed American Sign Language so sankaunaan ya kompleton sign language ya Biblia ed interon mundo. Wala la natan so kompleto odino kabiangan na Balon Mundo a Patalos ed dakel ya sign language, tan kada taon et dakel nin lenguahe so onaarum. (Pian nanengneng yo no anto ran lenguahe so wala la odino pian nabantayan yoy video ya Biblia diad online, nengnengen so kahon ya “ Say Balon Mundo a Patalos na Biblia ed Sign Language.”)

•   Bantayan so video ya The Complete New World Translation Is Available in ASL pian naamtaan yo iray impansagpot pian napawala so Biblia ed sign language.

•   Pian mas na-enjoy yo so pambasa na Biblia, i-install so JW Library Sign Language app. Diad sayan app sarag yon pilien iray espisipikon bersikulo ed sign language ya Biblia.

•   Parehon emel si Dmytro tan Vita pero makadngel iray ananak da. Bantayan no panon ya atulongan so pamilya da ed inagew-agew ya pambabantay da na Biblia ya sign language.

 Saray video ya mangibabangat na nipaakar ed Biblia. Saray Tasi nen Jehova et manggagawa na saray video ya sign language ya makatulong ed saray totoo pian natalosan tan niyaplika da iray praktikal ya bilin na Biblia parad saray . . .

•   Sanasawa tan pamilya

•   Tinedyer tan saray wala lad suston edad

•   Ugugaw

 Panag-aral na Biblia ya walay manbangat ed sika. Tulongan ka na sakey ya managbangat pian naaralan mo so mensahe na Biblia ed sign language, tan say kapeles na panaral yo et depende ed no antoy komportable ed sika. Sarag moy man-request pian nipanengneng mi ed sika so sample na sayan libren panag-aral na Biblia.

 Si Jeson Senajonon et tagad Pilipinas. Nengnengen no panon ya akatulong ed sikato so impanaral toy Biblia pian nakaaro toy Dios.

 Si Mario Antúnez et pastor ed sakey ya simbaan diad Honduras. Amtaen no panon ton nalmo iray ebat ed saray tepet to ed Biblia legan ton iistoryaen so agawad sikato diad artikulon “Mas Dakel ni Tepet Ko nen say Ebat Ko.”

 Saray miting tan saray baleg ya pantitipon. Wala ray kongregasyon tan grupo mi na sign language diad interon mundo. Sinimba ya ditan manuulop iray emel pian manaral tan mandayew ed Dios. Kada taon et mangoorganisa kami met na mas angkabaleg iran pantitipon ed sign language pian aralen so Biblia. Diad saray miting tan pantitipon mi, walay tactile interpreting parad saray emel ya bulag. Diad satan et walay mansinyas ed lima na emel ya bulag pian naamtaan to no anto ray isisinyas ed miting. Manggagawa kami met na saray literatura ed braille tan libre iratan.

•   Mananap na kongregasyon ya asingger ed sikayo.

•   Amtaen so nipaakar ed saray tinaon ya kombension tan asemblea mi.

•   Onatendi ed Memoryal na impatey nen Jesus, say sankaimportantian ya pantitipon ed interon taon.

 Si José Luis Ayala et tagad Mexico. Inyanak lan emel insan abulag. Amtaen no panon ya atulongan pian magmaliw ya epektibon managbangat na Biblia.