SPIERTA! Num. 2 2018 | 12 Secreto pa Felicidad den Famia
12 Secreto pa Felicidad den Famia
Nos ta tende di yen di cos cu ta bay malo den famianan. Pero kico ta bay bon den famia cu si ta feliz?
Entre aña 1990 y 2015, e cantidad di divorcio na Merca di e grupo di persona cu tin mas cu 50 aña a bira dos biaha mas hopi y di e grupo di mas cu 65 a bira tres biaha mas hopi.
Mayornan ta confundi: Tin experto ta sugeri pa elogia yiunan constantemente y tin otronan cu ta bisa cu ta mihor pa bo ta streng cu bo yiunan.
Hobennan cu ta birando adulto no tin e habilidadnan necesario pa nan por tin exito den bida.
Pero, ta un echo cu ...
Matrimonio por ta un laso duradero y por haci un pareha feliz.
Mayornan por siña disciplina nan yiunan cu amor.
Hobennan por desaroya e habilidadnan cu nan tin mester pa ora nan bira adulto.
Con? E edicion aki di Spierta! lo papia riba 12 secreto pa felicidad den famia.
1: Determinacion
Nos lo trata tres sugerencia practico cu por yuda abo cu bo casa pa keda hunto.
2: Teamwork
Abo cu bo casa ta parce djis dos hende cu ta biba den e mesun cas?
3: Respet
Haya sa ki palabra y accion ta sumamente importante pa bo casa sinti cu bo ta mustra respet na dje.
4: Pordona
Kico por yuda bo pasa por halto di e imperfeccionnan di bo casa?
5: Comunicacion
Tin tres cos hopi importante cu bo por haci pa hala mas cerca di bo yiunan.
6: Disciplina
Si bo disciplina bo yiu, acaso esey lo tin un mal efecto riba su balor propio?
7: Norma y Balor
Ki norma y balor bo mester siña bo yiunan?
8: Ehempel
Si bo kier pa bo palabranan tin efecto riba bo yiunan, bo mester haci loke bo ta bisa.
9: Identidad
Kico por yuda un hoben defende loke e ta kere aden?
10: Confiabel
Ta hopi importante pa bo gana e confianza di bo mayornan si bo kier bira un adulto responsabel.
11: Balente
Si bo siña traha duro como hoben, lo bo por logra exito den tur loke bo haci den bida.
12: Metanan
Ora bo alcansa bo metanan, lo bo por haya mas confianza den bo mes, fortalece bo amistad cu otro hende y haya mas felicidad.
Mas Yudansa pa Famia
E consehonan di Bijbel por yuda bo logra exito den bo matrimonio y felicidad den bo famia.
