“Kico Ta Bo Secreto?”

MURIEL, un mama di tres yiu, a keda sorprendi ora un homber di edad den un restaurant di fast-food a hacie e pregunta ei. Muriel tawata hopi ocupa cu bishita na docter cu su yiunan y el a cai laat. E no tawatin suficiente tempo pa nan bai cas y come cuminda di atardi prome cu nan bai nan reunion cristian. Pesei el a bai un restaurant den bicindario cu e muchanan pa nan por a come algo.

Ora nan tawata serca di caba di come, un homber a acerca Muriel y a bisa: “Mi tawata observa boso for di ora boso a drenta aki den. Y mi a ripara un diferencia grandi entre bo yiunan y muchanan cu normalmente mi sa topa. Bo mester mira con e muchanan ei sa trata e mesa- y stulnan. Nan ta pone pia riba mesa. Nan ta lastra stul. Pero bo yiunan ta masha trankil y cu bon manera. Kico ta bo secreto?”

Muriel a contesta: “Ami cu mi casa ta studia Bijbel regularmente cu nos yiunan, y nos ta purba di aplica loke nos ta siña den nos bida. Nos ta Testigonan di Yehova.” E ora ei e homber a bisa: “Mi ta un Hudiu y un sobreviviente di e holocausto. Mi ta corda cu mi a mira con Testigonan di Yehova tawata ser persigui na Alemania. Asta e ora ei nan a sobresali como personanan diferente. E conducta di bo yiunan a echt impresiona mi. Mi tin cu analisa boso religion.”

Bijbel ta un guia excelente cu ta siña nos con pa lanta yiu. Testigonan di Yehova ta masha interesa pa yuda otro hende beneficia di e guia cu nos ta haya den e Scritura. Nos ta invita bo calurosamente pa reacciona riba e siguiente oferta.