Segun e relato di Genesis, farao a manda yama Jozef, un prizonero Hebreo, pa interpreta un soño cu tabata molesti’e. Jozef tabatin hopi aña caba den prizon. Aunke cu farao tabatin pura pa Jozef bin cerca dje, Jozef a tuma su tempo pa feita. (Genesis 39:20-23; 41:1, 14) E echo cu e escritor a menciona e detaye aki cu ta parce insignificante ta mustra cu e tabata conoce custumbernan Egipcio.

Hopi nacion den antiguedad tabatin custumber di laga nan barba crece. E Hebreonan tambe tabata haci esey. En cambio, e buki Comentario exegético y explicativo de la Biblia ta bisa cu “e Egipcionan tabata e unico nacion di Oriente cu tabata gusta feita nan barba.”

Pero nan mester a feita nan barba so? E revista Biblical Archaeology Review ta mustra cu algun di e custumbernan ceremonial Egipcio a rekeri pa un persona prepara su mes pa presenta dilanti di farao mescos cu e lo mester a haci pa drenta un tempel. Den tal caso, Jozef lo mester a feita tur su cabeynan, tanto di su cabes como di su curpa.

No necesariamente. Den apostel Pablo su cartanan inspira, tin biaha e tabata uza e palabra “Griego” pa referi na hende cu no tabata Hudiu. (Romanonan 1:16; 10:12) Pakico el a haci esey? Un di e motibonan ta pasobra na e luganan unda Pablo a predica hopi hende tabata papia e idioma Griego, y e cultura Griego tabatin un influencia hopi grandi riba nan.

Ken tabata ser considera Griego den pasado? Den siglo 4 prome cu Cristo, e orador Isocrates di Atenas a papia cu orguyo di e manera cu e cultura Griego a plama rond mundo. El a bisa: “Esnan cu a beneficia di nos educacion ta mas Griego cu esnan cu a nace na Grecia.” Pues, ta posibel cu tanto e tata di Timoteo, kende no tabata Hudiu, como e hendenan cu Pablo a yama Griego tabata Griego pa motibo di cultura y no pa motibo cu nan a nace na Grecia.—Echonan 16:1.