SIGUI VIGILA!
Kico Bijbel Ta Bisa Tocante Adoracion di Imagen?
Catholic News Service a bisa cu durante un ceremonia na Basilica di San Pedro dia 25 di maart 2022, Papa Francisco tabata para dilanti un imagen: “E tabatin su wowonan cera, su cabes tabata baha, y e tabata haci oracion den su mes.” E tabata “roga Maria” pa paz. Segun e website Vatican News, “Papa Francisco a haci oracion na Maria Inmaculada pa consagra humanidad, specialmente Rusia y Ucrania; el a haci un apelacion na Maria su curason.”
Kico abo ta pensa? Ta corecto pa haci oracion na un imagen of pa uza imagen den nos adoracion? Analisa loke e siguiente textonan di Bijbel ta bisa:
“No traha niun imagen ni forma di algo cu tin den cielo of riba Tera of den awa. No buig pa nan ni laga hende convence boso pa sirbi nan, pasobra ami, Jehova, boso Dios, ta un Dios cu ta exigi cu hende mester adora ami so.”—Exodo 20:4, 5, Tradukshon di Mundu Nobo. a
“Nan idolonan ta plata y oro, e obra di mannan di hende. Nan tin boca, ma nan no por papia; nan tin wowo, ma nan no por mira; nan tin horea, ma nan no por tende; nan tin nanishi, ma nan no por hole; nan tin man, ma nan no por fula; nan tin pia, ma nan no por cana; nan no por saca zonido for di nan garganta. Esnan cu ta traha nan lo bira mescos cu nan, tur esnan cu ta confia den nan.”—Salmo 115:4-8, Beibel Santu.
“Ami ta Jehova. Esey ta mi nomber; mi no ta comparti mi gloria cu niun otro persona, ni mi alabanza cu imagen.”—Isaias 42:8, nota, Tradukshon di Mundu Nobo.
“Huy di idolatria.”—1 Corintionan 10:14.
“Keda leu for di dios falso.”—1 Juan 5:21.
Pa haya sa mas tocante loke Bijbel ta bisa tocante uzo di imagen den adoracion, lesa e articulo “E Punto di Bista di Bijbel—Imagen” of wak e video Dios Ta Permití Nos Usa Imágen den Nos Adorashon na Dje?
Aki bou tin mas informacion tocante algun topico cu kisas lo interesa bo:
Reconocemento pa potret: Vincenzo Pinto/AFP via Getty Images
a Bijbel ta bisa cu Dios su nomber ta Jehova. (Revelacion 4:11) Wak e articulo “Ken ta Jehova?”
You May Also Like
PREGUNTA CU BIJBEL TA CONTESTA
Nos Mester Adora Imagen?
Dios ta aproba uzo di imagen of idolo den adoracion?
MAS TOPICO
Ta Corecto pa Religion Mete cu Politica?
Rond mundo, hopi hende cu ta bisa cu nan ta siguidor di Cristo ta hopi envolvi den politica. Ta asina mester ta?
SIÑANSA DI BIJBEL
Dios Ta Permiti Nos Uza Imagen den Nos Adoracion na Dje?
Nos no por mira Dios. Imagen por yuda nos hala cerca Dios?
SIGUI VIGILA!
Religion y e Guera na Ucrania—Kico Bijbel Ta Bisa?
Lider religioso na ambos banda di e conflicto ta uza nan influencia na un manera cu ta bay contra loke Hesus a siña su siguidornan.
