Ta na Cruz Hesus A Muri?
E contesta cu Bijbel ta duna
Hopi hende ta mira cruz como e simbolo mas conoci di religion cristian. Sinembargo, Bijbel no ta duna un descripcion di loke Hesus a muri na dje; pues, niun hende no por sa precies ki forma e obheto aki tabatin. Bijbel ta bisa si cu ta na un staca recht para el a muri, y no na un cruz.
Por lo general, Bijbel ta uza e palabra Griego stauros ora e ta referi na e obheto di ehecucion cu nan a claba Hesus na dje. (Mateo 27:40; Juan 19:17) Aunke varios version di Bijbel ta traduci e palabra aki como “cruz”, hopi experto ta pensa cu basicamente e ta nifica “un balki of staca recht para.” a Segun A Critical Lexicon and Concordance to the English and Greek New Testament, e palabra stauros “nunca ta nifica dos pida palo cu ta join otro na cierto angulo.”
Tambe Bijbel ta uza e palabra Griego xýlon como sinonimo di stauros. (Echonan 5:30; 1 Pedro 2:24) E palabra aki ta nifica “palo”, “balki”, “staca” of “palo di mata.” b Pesey, The Companion Bible ta conclui: “No tin nada den e idioma Griego di e [Testament Nobo] cu ta indica cu e palabra ey ta referi na dos pida palo.”
Dios ta aproba uzo di cruz?
Un crux simplex—e expresion Latin pa un solo staca cu nan tabata claba criminal na dje
Sin importa e forma di e obheto cu Hesus a muri na dje, e siguiente textonan di Bijbel ta indica cu nos no mester uza cruz den adoracion:
Dios no kier pa hende ador’e cu uzo di imagen of simbolo, incluso cruz. Dios a prohibi e Israelitanan di traha imagen den “forma di un figura” pa uza den nan adoracion, y cristiannan tambe a haya e mandato pa “huy di idolatria.”—Deuteronomio 4:15-19, Beibel Santu, 1 Corintionan 10:14.
Cristiannan di prome siglo no tabata uza cruz. c E siñansa y ehempel di e apostelnan a sirbi como un patronchi cu tur cristian mester sigui.—2 Tesalonicensenan 2:15.
Uzo di cruz tin un origen pagano. d Cientos di aña despues di Hesus su morto, ora e iglesianan a desvia for di su siñansanan, “e miembronan nobo tabatin mag di keda cu casi tur nan imagen- y simbolonan pagano”, incluso cruz. (The Expanded Vine’s Expository Dictionary of New Testament Words) Sinembargo, Bijbel no ta apoya e idea di adopta simbolo pagano djis pa haya miembro nobo.—2 Corintionan 6:17.
a Wak New Bible Dictionary, di tres edicion, di D. R. W. Wood, pagina 245; Theological Dictionary of the New Testament, volumen VII, pagina 572; The International Standard Bible Encyclopedia, edicion revisa, volumen 1, pagina 825; y The Imperial Bible-Dictionary, volumen II, pagina 84.
b Wak The Expanded Vine’s Expository Dictionary of New Testament Words, pagina 1165; A Greek-English Lexicon, di Liddell and Scott, di nuebe edicion, pagina 1191-1192; y Theological Dictionary of the New Testament, volumen V, pagina 37.
c Wak Encyclopædia Britannica, 2003, entrada “Cross”; The Cross—Its History and Symbolism, pagina 40; y The Companion Bible, Oxford University Press, appendix 162, pagina 186.
d Wak The Encyclopedia of Religion, volumen 4, pagina 165; The Encyclopedia Americana, volumen 8, pagina 246; y Symbols Around Us, pagina 205-207.
You May Also Like
PREGUNTA CU HOPI HENDE SA HACI
Pakico Testigonan di Jehova No Ta Uza Cruz den Nan Adoracion?
Aunke nos ta cristian, nos no ta uza cruz den adoracion. Dicon no?
SPIERTA!
Uzo di Cruz Ta Algo Biblico?
Hopi hende ta haya cu cruz ta un simbolo di cristianismo. Pero Hesus a muri na cruz? Acaso e siguidornan di Hesus a uza cruz pa adora Dios?
ESSENTIAL BIBLE TEACHINGS
Dicon Hesus A Muri?
Bijbel ta duna hopi importancia na e morto di Hesus. Su morto tabatin un proposito?
PREGUNTA CU BIJBEL TA CONTESTA
Nos Mester Adora Imagen?
Dios ta aproba uzo di imagen of idolo den adoracion?
