1. Yehova nos Dios t’e⁀ehèmpel perfekto

di amor; Dios ta⁀amor.

I ta ku akshon, no djis sintimentu,

Dios stima nos, sí, den tur kos.

Su Yu mas stimá, Su mes semehansa,

el a duna nos, pa nos tin speransa

i por aserk’é ku tur siguransa.

Esei ta⁀amor; Dios mes ta amor.

2. Pa nos imit’é, ban stima⁀e rumannan

ku akshon, sí, akshon.

Nos ke yuda nan; nos ke ousiliá nan

sin distinshon, niun distinshon.

I⁀erornan menor, no tene presente;

mas bien, pordoná bondadosamente

pa nos reflehá nos Tata fielmente

ku nos amor, nos tierno amor.

3. Amor di bèrdat t’e laso perfekto

di union, fiel union.

Famia nos ta, i nos ta kontentu

komo ruman, hopi ruman.

Pues laga⁀e bèrdat di Dios refiná nos

pa nos stimashon identifiká nos

i nos deboshon no sea enbano.

Mustra amor, genuino amor.