Salmo 15:1-5
Un salmo di David.
15 Yehova, ken tin mag di keda serka bo* den bo tènt?
Ken tin mag di biba riba bo seru santu?
2 Un persona ku semper ta hasi loke ta bon,*ku ta praktiká loke ta korektoi ku ta papia bèrdat den su kurason.
3 E no ta papia malu di otro hende;*e no ta hasi daño na su próhimoni e no ta daña nòmber di su amigunan.*
4 E ta rechasá tur hende malbado,*ma e ta onra hende ku tin rèspèt profundo pa* Yehova.
E ta kumpli ku su promesa,* asta ora esei no ta kumbinié.
5 E no ta fia hende sèn ku interes,ni e no ta aseptá plaka pasá bou di mesa pa akusá hende inosente.
Un persona asina hamas lo tambaliá.*
Nota
^ Òf: “tin mag di ta huéspet.”
^ Òf: “ku ta kana na un manera íntegro.”
^ Esta, pa daña nan nòmber.” Lit.: “E no ta kalumniá ku su lenga.”
^ Òf: “ni e no ta laga su amigunan keda na bèrgwensa.”
^ Òf: “hende ku meresé despresio.”
^ Lit.: “ku loke e hura.”
^ Òf: “lo ser sagudí.”
