Salmo 150:1-6
150 Alabá Yah!*
Alabá Dios den su lugá santu.
Alab’é bou di shelu, sí, shelu ku ta demostrá su poder.*
2 Alab’é pa su obranan poderoso.
Alab’é pa su grandesa sin igual.
3 Alab’é ku zonido di kachu.
Alab’é ku instrumènt di kuèrdè i ku arpa.
4 Alab’é ku tamburein i ku bailamentu.*
Alab’é ku instrumènt di kuèrdè i ku flùit.
5 Alab’é ku simbal ku ta resoná.
Alab’é ku simbal ku ta zona duru.
6 Laga tur ser bibu* alabá Yah.
Alabá Yah!*
Nota
^ Òf: “Aleluya!” “Yah” ta un forma abreviá di e nòmber Yehova.
^ Òf: “Alab’é den firmamentu (espasio habrí), ku ta duna testimonio di su forsa.”
^ Òf: “bailamentu den rònchi.”
^ Òf: “tur loke ta hala rosea.”
^ Òf: “Aleluya!” “Yah” ta un forma abreviá di e nòmber Yehova.
