Salmo 58:1-11
-
Tin un Dios ku ta husga tera
-
Un orashon pa pidi Dios kastigá hende malbado (6-8)
-
Na e direktor musikal. Riba melodia di “No Kaba ku Mi.” Un salmo di David. Miktam.*
58 Shonnan, kon boso por papia tokante hustisia si boso ta keda ketu?
Akaso boso por husga na un manera rekto?
2 Nò! Mas bien, boso ta plania loke ta inhustu den boso kurason,i boso mannan ta kometé violensia den e pais.
3 Hende malbado ta riba mal kaminda* for di ora nan nase.*Nan ta rebelde i mentiroso for di ora nan nase.
4 Nan palabranan ta meskos ku venenu di kolebra.Nan ta mes surdu ku un kobra ku ta nenga di skucha.
5 E kobra lo no skucha stèm di hasidó di bruha,ni maske kon eksperto e hasidó di bruha ta.
6 O Dios, kibra djente di hende malbado!
Kibra kakumbein di e leonnan ei, o Yehova!
7 Laga nan kaba na nada i disparsé manera awa ku ta kore bai.
Laga Dios* span su bog i tumba nan ku su flechanan.
8 Laga nan ta meskos ku kokolishi ku ta bira lebelebe ora e ta serka di muri.*Laga nan ta meskos ku yu ku nase morto, ku nunka a mira solo.
9 Boso ta sende kandela bou di un wea ku mata di sumpiña. Pero, promé ku e wea bira kayente,Dios* lo laga warwarú bari e takinan bai kuné, tantu e takinan bèrdè komo e takinan seku.
10 Hende hustu lo alegrá ora nan mira Dios tuma vengansa riba hende malbado;hende hustu lo kana den sanger di hende malbado.
11 E ora ei, hende lo bisa: “Sí, tin rekompensa pa hende hustu.
Di bèrdat tin un Dios ku ta husga tera.”
Nota
^ Òf: “ta desviá; ta malbado.”
^ Òf: “for di den barika di nan mama.”
^ Lit.: “E.”
^ Lit.: “kokolishi ku ta dirti.”
^ Lit.: “E.”
