Salmo 60:1-12
Na e direktor musikal. Riba melodia di “Leli di Rekordatorio.” Miktam.* Un salmo ku David a skirbi pa usa ora di siña hende. Esaki ta tokante e tempu ku David a bringa kontra e pueblo di Áram-Naharaim i di Áram-Zoba, i Yóab a bini bèk i mata 12.000 edomita den Vaye di Salu.
60 O Dios, bo a rechasá nos; bo a derotá nos.
Bo tabata rabiá ku nos, pero awor, aseptá nos bèk, por fabor!
2 Bo a pone tera tembla; bo a habrié for di otro.
Drecha su skernan, pasobra e ta bai basha abou.
3 Bo a laga bo pueblo sufri.
Bo a laga nos bebe biña ku a pone nos tambaliá.
4 Duna* hende ku tin rèspèt profundo pa bo* un señalpa nan por hui i pa flecha no alkansá nan. (Sela)
5 Salba nos ku bo man drechi i kontestá nos orashonpa bo sirbidónan stimá por ser librá.
6 Dios Santu a papia.* El a bisa:
“Ku alegria, lo mi repartí Síkèm komo herensia,i lo mi midi vaye* di Sukòt pa duna mi pueblo.
7 Gálad ta di mi, i Mánases tambe.Efraím ta mi hèlm.*Huda ta mi bara di gobernante.
8 Móab ta mi baki pa laba pia.
Lo mi tira mi sandalia riba Édòm.
Lo mi kanta viktoria, pasobra lo mi derotá Filistea.”
9 O Dios, ken lo hiba mi na e stat rondoná di ehérsito?*
Ken lo guia mi te na Édòm?
10 O Dios, no ta abo mes lo guia nos te einan? Pero bo a rechasá nos, o nos Dios,i bo no ta kompañá nos ehérsitonan mas.
11 Yuda nos den nos momentonan difísil,pasobra no ta bale la pena pa warda riba salbashon ku ta bini di hende.
12 Dios lo duna nos forsa,i lo e trapa nos enemigunan.
Nota
^ Òf posiblemente: “Bo a duna.”
^ Òf posiblemente: “Dios a papia den su lugá santu.”
^ Òf: “sabana.”
^ Lit.: “fòrti.”
^ Òf posiblemente: “stat fortifiká.”
