Salmo 75:1-10
-
Dios ta husga na un manera hustu
-
Hende malbado lo bebe for di e kopa di Yehova (8)
-
Na e direktor musikal. Riba melodia di “No Kaba ku Mi.” Un salmo di Ásaf. Un kantika.
75 O Dios, nos ta gradisí bo; sí, nos ta gradisí bo.Bo ta ku nos;*hende ta konta di bo obranan maravioso.
2 Bo ta bisa: “Mi ta pone un tempu pa husga,i mi ta husga na un manera hustu.
3 Ora tera i tur su habitantenan a kuminsá tembla,*ta ami a sostené e pilánan di tera.” (Sela)
4 Mi ta bisa hende bromadó: “No broma.”
I mi ta bisa hende malbado: “No broma ku bo poder.*
5 No broma ku bo ta masha poderoso*ni papia ku arogansia.
6 Kòrda ku un hende su onor no ta binidi ost ni di wèst ni di zùit,
7 pasobra ta Dios ta Hues.
Tin hende e ta humiá, i tin hende e ta halsa.
8 Yehova tin un kopa di biña den su man,un kopa ku biña ku ta skuma. E biña ta stèrki.*
Dios lo basha e biña ei sin falta,i tur hende malbado riba tera lo beb’é te na e último gota.”*
9 Pero pa semper, ami lo proklamá loke Dios a hasi;lo mi kanta alabansa na* e Dios di Yákòb,
10 pasobra e ta bisa: “Lo mi kaba ku e poder* di hende malbado,pero lo mi laga hende mira e poder* di hende hustu.”
Nota
^ Lit.: “Bo nòmber ta serka.” Òf: “Bo nòmber no ta leu.”
^ Lit.: “larga.”
^ Lit.: “No hisa kachu.”
^ Lit.: “No hisa kachu.”
^ Lit.: “ta bon mesklá ku yerba.”
^ Lit.: “beb’é asta ku su kachikachi.”
^ Òf: “lo mi toka músika pa.”
^ Lit.: “ku tur kachu.”
^ Lit.: “kachu.”
