ASIENTO Sea asina bon di tene konsiderashon ku otro hende. Kòrda ku por warda asiento solamente pa miembro di famia yegá, pa hende ku bini huntu ku bo den outo, pa hende ku ta biba huntu ku bo òf pa persona ku bo ta studia kuné. No pone kos riba stul ku bo no a reservá pa bo hendenan.

BOUTISMO E asientonan reservá pa e kandidatonan di boutismo lo ta dilanti di plataforma, a ménos ku anunsiá un otro kaminda. E kandidatonan pa boutismo mester ta sintá einan promé ku e diskurso di boutismo kuminsá riba djasabra. Kada kandidato mester bini ku su mes sèrbètè i un trahe di baño desente.

DONASHON A hasi hopi gastu pa perkurá asiento adekuá, sistema di zonido, ekipo pa pasa vidio i hopi otro servisio pa asina nos por tin un kongreso agradabel ku ta yuda nos hala mas serka Yehova. Bo kontribushon di buena gana ta yuda kubri e gastunan akí i tambe ta sostené e obra mundial. Vários kaminda den e lugá di reunion akí tin kaha di kontribushon ku bo por rekonosé fásilmente. Bo por hasi donashon online tambe; pa hasi esaki, bo por bai na donate.dan124.com. Nos ta apresiá tur donashon. Kuerpo Gobernante ke gradisí bo pa e manera generoso ku bo ta apoyá e interesnan di Reino.

EHBO Kòrda ku esaki ta pa kaso di emergensia so.

KOS PÈRDÍ I HAÑÁ Mester hiba tur artíkulo hañá na Departamento di Kos Pèrdí i Hañá. Si bo a pèrdè algu, bai na e departamento akí i wak si bo ta hañ’é. Mester hiba mucha ku a dual i ku a pèrdè nan mayornan na e departamento akí. Pero, pa evitá tenshon innesesario, por fabor wak bo yunan bon i hasi sigur ku nan ta huntu ku bo.

SERVISIO DI BOLUNTARIO Si bo ta deseá di yuda ku e trabounan na kongreso, mèldu na Departamento di Informashon i Servisio di Boluntario.

ÙSHER E ùshernan t’ei pa yuda bo. Kooperá ku nan i sigui nan instrukshon relashoná ku parkermentu di outo, uso di entrada i salida, wardamentu di asiento, etcetera.

© 2020 Watch Tower Bible and Tract Society of Pennsylvania