Sin duda, e análisis akí di e siñansanan básiko di Beibel a pone bo haña mas amor pa Yehova. Pero e amor ei mester sigui krese. (1 Pedro 2:2) Bo estudio di Beibel lo yuda bo sigui hala serka Dios, i esei lo duna bo e speransa di haña bida eterno.—Lesa Huan 17:3; Hudas 21.

Segun ku bo ta haña mas konosementu di Dios, bo fe lo bira mas firme, i esei lo yuda bo agradá Dios. (Hebreonan 11:1, 6) Ademas, bo fe lo motivá bo pa arepentí di bo pikánan i hasi kambio den bo manera di biba.—Lesa Echonan 3:19.

No ta nada straño ku bo tin gana di kompartí loke bo a siña ku otro hende. Nos tur ta gusta duna otro hende un bon notisia. Segun ku bo sigui studia Beibel, lo bo siña kon pa us’é pa splika otro hende tokante bo fe den Yehova i di e bon notisia di Reino.—Lesa Romanonan 10:13-15.

Mayoria di hende ta kuminsá kompartí e bon notisia ku amigu i famia. Hasi esei ku takto. Pues, en bes di bisa nan ku nan kreensianan ta robes, ta bon pa papia ku nan tokante e promesanan di Dios. Kòrda tambe ku hopi biaha hende ta keda mas impreshoná ku bo trato amabel ku loke bo ta bisa nan.—Lesa 2 Timoteo 2:24, 25.

E konosementu ku bo ta haña di Beibel lo yuda bo krese spiritualmente. Ku tempu, bo por haña un relashon masha spesial ku Yehova. De echo, lo bo por bira parti di su famia.—Lesa 2 Korintionan 6:18.

Segun ku bo ta sigui studia e Palabra di Dios, bo ta progresá spiritualmente. (Hebreonan 5:13, 14) Pidi un Testigu di Yehova studia Beibel ku bo ku yudansa di e buki Kiko Beibel Ta Siña Realmente? Mas konosementu bo haña di e Palabra di Dios, mas éksito lo bo tin den bida.—Lesa Salmo 1:1-3; 73:27, 28.

E bon notisia ta bini di Yehova, e Dios felis. Mas bo asosiá ku su pueblo, mas estrecho bo relashon kuné lo bira. (Hebreonan 10:24, 25) Anto ora bo sigui hasi esfuerso pa agradá Yehova, bo por haña un gara firme riba loke realmente ta bida, esta, bida eterno. Pues, hala serka Dios! No tin nada mas mihó ku esei.—Lesa 1 Timoteo 1:11; 6:19.