E último Pasku Hudiu ku Hesus lo a bai selebrá tabata masha spesial. Komo ku Hesus su morto tabata serka, e kier a selebrá e Pasku Hudiu ku su apòstelnan i instituí e Sena di Señor. P’esei el a manda Pedro i Huan pa bai prepará un kamber. (Luk 22:7-13; wak e plachi riba portada.) Esei ta laga nos kòrda ku nos tambe mester prepará pa e Memorial ku lo tuma lugá riba 27 di Mart. E Kongregashonnan ya lo a skohe un oradó, ken lo sòru pa e pan i biña, etcetera. Pero kiko kada un di nos por hasi pa prepará pa Memorial?

Prepará bo kurason. Sigui e lesamentu di Beibel pa Memorial i meditá riba dje. Bo por haña un skèdjel pa e lesamentu akí den e foyeto Analisá e Skritura Tur Dia. Den sekshon 16 di e foyeto Yudansa pa Studia e Palabra di Dios, bo ta haña un skèdjel mas detayá. (Wak tambe Material i Tarea pa Reunion di Aprel 2020.) Bo por haña informashon tokante e importansia di e reskate pa trata durante bo adorashon komo famia den Guia pa Buska Informashon den Publikashonnan di Testigunan di Yehova.

Invitá otro hende. Partisipá mas tantu posibel den e kampaña pa invitá hende. Pensa ken bo por invitá, por ehèmpel, rebishita, hende ku bo tabata studia Beibel kuné, konosí òf famia. E ansianonan mester kòrda invitá e rumannan inaktivo. Si un hende no ta biba den bo teritorio, bo por buska e ora i lugá ku lo tene e Memorial den su área. Bo por bai na e sekshon TOKANTE NOS ku ta keda ariba na e página inisial di jw.org i klek riba “Konmemorashon.”

Kiko mas nos por hasi pa prepará?