Yehova ke pa nos sirbié pasobra nos ta stim’é. (Mat 22:37, 38) E amor profundo ku boso studiantenan di Beibel tin pa Yehova lo duna nan forsa pa hasi e kambionan nesesario i pa para firme bou di prueba. (1Hn 5:3) Ta nan amor pa Yehova lo motivá nan pa batisá.

Yuda boso studiantenan mira ku Dios ta stima nan. Kisas boso por hasi boso studiantenan pregunta manera: “Kiko esaki ta siña bo tokante Yehova?” òf “Kon esaki ta mustra bo ku Dios ta stima bo?” Yuda boso studiantenan mira kon Yehova ta yuda nan personalmente. (2Kr 16:9) Konta nan kon Yehova a yega di kontestá bo orashonnan, i animá nan pa mira kon Yehova ta kontestá nan orashonnan tambe. Nos ta bira masha kontentu ora nos mira ku nos studiantenan di Beibel ta sinti ku Yehova ta stima nan, i ku nan tambe ta stim’é i ke ta su amigu.

WAK E VIDIO YUDA BOSO STUDIANTENAN DI BEIBEL BIRA AMIGU DI YEHOVA, I DESPUES KONTESTÁ E SIGUIENTE PREGUNTANAN:

• Ki opstákulo Rubi a hañ’é kuné?

• Kon Nita a yuda Rubi?

• Kon Rubi a logra vense e opstákulo?