E reunionnan pa sirbishi di vèlt, meskos ku tur otro reunion di kongregashon, ta un provishon di Yehova. Pues, na e reunionnan pa sirbishi di vèlt tambe nos ta haña oportunidat pa stimulá otro pa mustra amor i hasi bon obra. (Heb 10:24, 25) E reunionnan ei mester dura entre sinku pa shete minüt, i esei ta inkluí parti e grupo, asigná teritorio i hasi orashon. (Si ta tene e reunion akí despues di un otro reunion, e mester ta mas kòrtiku.) E ruman ku ta dirigí e reunion mester prepará algu práktiko pa kompartí ku e publikadónan ku ta sali den sirbishi e dia ei. Por ehèmpel, hopi publikadó ku ta sali den sirbishi djasabra no a sali den sirbishi desde e siman promé. Pues, lo ta práktiko pa djis trata loke nos lo por bisa un doño di kas. Ki otro tópiko ta bon pa trata durante e reunion pa sirbishi di vèlt?

• Un ehèmpel di presentashon pa sirbishi for di Nos Bida i Sirbishi Kristian—Material i Tarea pa Reunion

• Kon pa usa algu ku a pasa resientemente òf un notisia pa kuminsá un kòmbersashon

• Kon pa vense un opheshon komun

• Kon pa kontestá un ateo, un evolushonista, un persona ku ta papia un otro idioma òf un persona ku ta pertenesé na un religion ku no ta masha konosí den nos teritorio

• Kon pa usa nos website jw.org, JW Library^® app òf Beibel

• Kon pa usa un di e hèrmèntnan for di nos Kaha di Hèrmènt pa Siña Hende e Bèrdat

• Kon pa prediká via telefòn, skirbi karta, prediká na lugá públiko, hasi rebishita òf dirigí estudio di Beibel

• Rekordatorio pa tene kuenta ku siguridat, pa ser fleksibel, pa ta positivo, pa mustra bon manera òf algu similar

• Un lès òf vidio for di e foyeto Dediká Bo Mes na Lesamentu i na Dunamentu di Siñansa

• Kon pa yuda i animá bo kompañero di sirbishi

• Un teksto di Beibel òf un eksperensia animante relashoná ku sirbishi di vèlt