Durante luna di novèmber, nos lo hasi èkstra esfuerso pa kompartí e bon notisia ku un mundu mihó ta serka. (Sl 37:10, 11; Rev 21:3-5) Dikon bo no ta ahustá bo skèdjel pa bo por partisipá plenamente den e kampaña akí? Si bo disidí di traha pionero ousiliar e luna ei, bo por skohe pa traha 30 òf 50 ora.

Durante e kampaña akí, purba di lesa un teksto di Beibel tokante e mundu nobo ku mas tantu hende posibel. Ora bo ta skohe un teksto di Beibel, pensa kiko lo interesá hende den bo teritorio. Si un persona mustra interes durante e promé kòmbersashon, duna e persona un ehemplar di edishon pa públiko di E Toren di Vigilansia Num. 2 2021. Despues, rebishitá e persona mas pronto posibel i purba di kuminsá un estudio di Beibel usando e foyeto Bo Por Disfrutá di Bida pa Semper! Esta kontentu nos lo ta pa hasi mas tantu posibel pa kompartí e “bon notisia di algu mihó”!—Isa 52:7, NW.

WAK E VIDIO MUSIKAL NOS DUSHI PARADEIS, I DESPUES KONTESTÁ E SIGUIENTE PREGUNTANAN:

• Ki futuro maravioso e mucha muhé ta imaginando?

• Kiko abo tin hopi gana di eksperensiá den e mundu nobo?

• Si nos meditá riba nos speransa, kon esei lo yuda nos partisipá plenamente den e kampaña di novèmber?—Luk 6:45