Hende Su Crueldad—Lo Caba un Dia?

Livia Turco, minister italiano di Solidaridad Social, a ricibí un ehemplar dje Spierta! di 8 di mart 2000. E edicion ei a trata cu e problema controversial di sclabitud cu, lamentablemente, ta persistí den cierto partinan di mundu. Den un carta dirigí n’e oficina di sucursal di Testigonan di Jehova na Italia, el a reconocé:

“Formanan moderno di sclabitud, afectando foral hende muher i mucha, ta un emergencia grave den cua miyones di ser humano ainda ta sufri di condicionnan inhumano.” El a terminá: “Tur bos indigná cu lanta contra e realidad inaceptabel aki ta un contribucion iremplasabel, i ora e bos ei alcansá un público asina grandi manera e lectornan di [Spierta!], e tin asta mas peso.”

Danki n’e distribucion di mas cu 20 miyon ehemplar di cada edicion di Spierta! na 82 idioma, miyones di lector ta ser informá no solamente dje naturalesa di problemanan djawe, sino tambe ta ricibí solucionnan basá riba Bijbel pa nan.

Sin embargo, e pregunta ta keda: Si realmente tin un Dios, pakico e ta permití e sufrimentu teribel di hende inocente? Hopi hende ta puntra: ‘Con mi por stima un Creador kende su sabiduria ta bisto den e maraviyanan di creacion, pero cu tog aparentemente no ta mustra compasion pa hende awe?’ E foyeto Dios Realmente Ta Interesá den Nos? ta contestá e preguntanan ei den un forma satisfaciente. Bo por pidi un ehemplar dor di yena e cupon aki i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda mi un ehemplar dje foyeto Dios Realmente Ta Interesá den Nos?

□ Por fabor, tuma contacto cu mi pa un studio di Bijbel grátis na cas.