Yudando Hende Vence Desafio

E OFICINA di sucursal di Testigonan di Jehova na Sri Lanka a ricibí un carta for dje secretario dje Sociedad di Desaroyo di Hubentud i di Recursonan Humano, Provincia Oriental. E secretario a pidi pa cierto edicionnan anterior di Spierta! i a comentá:

“Ami cu mi coleganan a haña e revistanan cu boso a manda pa mi, educativo, informativo i motivador, tambe lógico i convincente. E revistanan no ta plama doctrina cristian cu un motibu scondí, manera algun hende lo bisa eróneamente. Mi ta haña cu nan ta literatura excelente.

Tin un creciente demanda pa ehemplarnan di Spierta! (tantu nobo como bieu), i tin tur indicacion cu e demanda aki lo sigui crece den e lunanan binidero. E artículonan den boso revistanan ta percurá conocimentu pa hende di edad, hóbennan i mucha. E artículonan ta yuda nan tur vence desafionan actual i di futuro cu ta ser causá dor dje indiferencia pa cosnan religioso.”

Nunca promé den historia, hende di tur edad a confrontá e desafionan cu nan ta confrontá awe. Hopi hende ta puntra nan mes foral kico futuro lo trece, i si tin un Dios cu ta interesá den nan. Preguntanan asina ta ser contestá den un manera satisfaciente den e foyeto Dios Realmente Ta Interesá den Nos? Bo por pidi un ehemplar dor di yena e cupon aki bou i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda mi un ehemplar dje foyeto Dios Realmente Ta Interesá den Nos?

□ Por fabor, tuma contacto cu mi pa un studio di Bijbel grátis na cas.