Bo Sa e Kontesta?

(Bo por haña e kontestanan di e kwes aki den e tekstonan di Beibel menshoná i na página 30 tin e lista di tur kontesta. Pa mas informashon wak den e publikashon “Perspikasia pa Komprondé e Skritura,” publiká dor di Testigunan di Yehova.)

1. Segun Pedro, pa ki motibu Dios a hasi Israel spiritual su “rasa skohí”? (1  Pedro 2:9, NW)

2. Kiko tabata e promé milager ku Hesus a hasi, i unda el a hasié? (Juan 2:1-11)

3. Di kiko Dios a traha Eva, e komplemento di Adam? (Génesis 2:22)

4. Yu hòmbernan di kua hòmber prominente di Israel tabata konosí komo “hòmbernan pèrvèrso”? (1 Samuel 2:12)

5. Kua midí den tempu di antigwedat tabata igual ku e homer i ekivalente na dies bato? (Lukas 16:7, NW)

6. Ounke e fariseonan tabata sa kon pa distinguí e aspekto di shelu, kiko sí Hesus a bisa ku nan no por a distinguí? (Mateo 16:3)

7. Den e profesia di Ezekiel, ken ta ataká e pueblo di Dios ku ta bibando trankil i den prosperidat? (Ezekiel 38:14-16; 39:11)

8. Dikon Hesus a bisa ku e adorashon ku e lidernan religioso tabata rindi “ku nan lepnan” tabata en bano? (Marko 7:6, 7)

9. Kua yu di Noe tabata enbolbí den un insidente ku a trese maldishon riba su yu hòmber Kánaan? (Génesis 9:22-25)

10. Tera di kua tribu a bira sinónimo di e parti mas nort di e tera di Israel? (Huesnan 20:1)

11. Ku kiko Ezekias a kompará e prospekto di un morto prematuro? (Isaias 38:12)

12. Ora Gad a duna David oportunidat pa skohe entre tres tipo di kastigu despues ku el a desobedesé Dios i a laga konta e pueblo di Israel, kua di nan David a skohe? (2 Samuel 24:12-15)

13. Kua tres buki di Beibel e saserdote hudiu Esdras a skirbi?

14. Di kua provinsia Gobernadó Felix a saka afó ku Pablo tabata? (Echonan 23:34)

15. Ken a sirbi komo hefe di ehérsito pa Absalon durante su rebelion kontra David, i tambe pa David despues ku nan a mata Absalon? (2 Samuel 17:25; 19:13)

16. Ken General Joab a skohe pa bai hiba e notisia pa Rei David ku su yu Absalon a muri? (2 Samuel 18:21, 32)

17. Kiko a pone Jakòb yega n’e konklushon ku bestia salbahe a devorá su yu hòmber Hosé? (Génesis 37:31-33)

18. Kon yama e angel ku a bisa Maria ku el a ser skohé pa duna lus na Hesus? (Lukas 1:26-31)

 Kontestanan di Kwes

1. Pa nan por “proklamá e ekselensianan” di Dios

2. El a laga awa bira biña; Kana

3. Di un repchi ku el a tuma for di Adam

4. Elí

5. Koro

6. “E señalnan di tempunan”

7. Gòg i su “multitut”

8. Pasobra ‘nan kurason tabata leu’ for di dje

9. Kam

10. Dan

11. Ku kòrtamentu di hilu for di e aparato-pa-wef-tela

12. Pestilensia

13. Promé Krónikanan, Segundo Krónikanan i Esdras

14. Silisia

15. Amasa

16. Un kusita kende su nòmber no ta konosí

17. Nan a mustr’é Hosé su túnika di hopi koló ku nan a dòp den sanger di un kabritu

18. Gabriel