Promé ku Kristu a subi na shelu na aña 33 di promé siglo, el a primintí di bini bèk. El a kompará su mes ku un hòmber noble ku a biaha bai afó pa un tempu largu i despues bini bèk ku poder pa goberná komo rei. Pues Hesus ta bini bèk pa duna humanidat un bon gobièrnu.—Lesa Lukas 19:11, 12.

Den ki forma Kristu ta bini bèk? El a ser resusitá komo un persona spiritual invisibel. (1 Pedro 3:18) Anto el a bai shelu i a sinta na man drechi di Dios. (Salmo 110:1) Hopi tempu despues, Hesus a presentá dilanti di Yehova Dios, “e Ansiano di Dianan,” kende a dun’é poder pa goberná humanidat. Pues Hesus ta bini bèk, no komo hende, sino komo un Rei invisibel.—Lesa Daniel 7:13, 14.

Ora Hesus yega den forma invisibel huntu ku su angelnan, lo e husga humanidat. Lo e destruí hende malbado, pero lo e duna esnan ku ta asept’é komo Rei bida eterno.—Lesa Mateo 25:31-33, 46.

Hesus su gobernashon komo Rei lo transformá tera den un paradeis. Tambe lo e resusitá e mortonan pa nan por disfrutá di bida den e Paradeis ei.—Lesa Lukas 23:42, 43.