Pregunta Ku Beibel Ta Kontestá
Kiko Hesus lo hasi den futuro?
Na aña 33 di promé siglo, Hesus a muri, a lanta for di morto i a subi na shelu. Hopi siglo despues, Dios a duna Hesus outoridat pa reina komo Rei. (Daniel 7:13, 14) Den futuro, Hesus lo tuma akshon pa trese pas mundial i eliminá pobresa.—Lesa Salmo 72:7, 8, 13.
Komo Rei, Hesus lo eliminá tur inhustisia ku tin riba tera
Hesus lo hasi kosnan maravioso komo Gobernante di humanidat. Lo e usa e poder ku su Tata a dun’é pa laga hende bolbe bira perfekto. Nan lo gosa di bida riba tera sin nunka bira bieu i muri.—Lesa Huan 5:26-29; 1 Korintionan 15:25, 26.
Kiko Hesus ta hasiendo aworakí?
Aktualmente Hesus ta dirigiendo e trabou di prediká ku su berdadero siguidónan ta hasi rònt mundu. Nan ta bishitá hende pa mustra nan loke Beibel ta bisa tokante e Reino di Dios. Hesus a bisa ku lo e sigui sostené e trabou ku su disipelnan ta hasi te ora e Reino di Dios pone un fin na tur gobièrnu humano.—Lesa Mateo 24:14; 28:19, 20.
Hesus ta siña hende, mediante e berdadero kongregashon kristian, pa nan por tin un mihó bida. Lo e sigui guia i yuda su siguidónan komo grupo pa nan sobrebibí destrukshon di e mundu malbado akí i drenta den e paradeis ku Dios a primintí.—Lesa 2 Pedro 3:7, 13; Revelashon 7:17.
Otro Artíkulo Interesante
E TOREN DI VIGILANSIA
Orashon—Ku Kiko e Ta Yuda Bo?
Kiko bo por ferwagt si bo ta hasi orashon regularmente?
PREGUNTA KU BEIBEL TA KONTESTÁ
Kiko Mi Por Resa Pidi Dios?
Haña sa dikon Dios ta interesá asta den bo preokupashonnan di mas chikitu.
PREGUNTA KU BEIBEL TA KONTESTÁ
Kon Hesus Ta Salba Nos?
Dikon Hesus mester boga pa nos? Djis kere den Hesus ta sufisiente pa ser salbá?
