Tin Orashon Ku Dios No Ta Skucha?
E kontesta ku Beibel ta duna
Tin algun orashon ku Dios no ta skucha. Laga nos wak dos motibu.
1. E orashon ta bai kontra e boluntat di Dios
Dios no ta skucha orashon ku ta bai kontra su boluntat, òf kontra loke su Palabra, Beibel, ta rekerí di hende. (1 Huan 5:14) Por ehèmpel, Beibel ta kondená golosidat òf kudishi; i un di e kosnan ku ta promové e tendensianan ei ta wega di plaka. (1 Korintionan 6:9, 10) P’esei, Dios no ta skucha orashon di hende ku ta pidié pa gana number òf brièchi. E no ta manera un spiritu ku poder mágiko ku mesora ta kumpli ku tur loke bo pidié. Ta un alivio pa sa esei! Pues, Dios no ta skucha orashon di hende ku ta pidié kos ku mal intenshon.—Santiago 4:3.
2. E persona ku ta hasi orashon tin un aktitut rebelde
Dios no ta skucha orashon di hende ku pa malu ta bai kontra su leinan. Por ehèmpel, Dios a bisa hende ku a pretendé di sirbié pero ku a rebeldiá kontra dje: “Maske boso hasi hopi orashon, lo mi no skucha. Boso mannan ta yen di sanger.” (Isaías 1:15, Beibel Santu) Pero si nan a arepentí, aserká Dios i pidié pordon, e lo a skucha nan orashon.—Isaías 1:18.
Otro Artíkulo Interesante
E TOREN DI VIGILANSIA
Dikon Dios No Ta Kontestá Tur Orashon?
Beibel ta mustra nos ki sorto di orashon Dios ta kontestá i ki sorto di orashon e no ta kontestá.
PREGUNTA KU BEIBEL TA KONTESTÁ
Kiko Mi Por Resa Pidi Dios?
Haña sa dikon Dios ta interesá asta den bo preokupashonnan di mas chikitu.
E TOREN DI VIGILANSIA
Dios ta Kontestá tur Orashon? Nos Mester Ta den un Posishon Spesífiko ora di Hasi Orashon?
Dios ta skucha i kontesta nos orashon?
E TOREN DI VIGILANSIA
Kiko Bo Por Hasi pa Dios Skucha Bo Orashonnan?
Papia ku Dios unda ku bo ta i ki ora ku ta, na bos haltu òf den silensio. Hesus a asta siña nos kiko nos por bisa den orashon.
SIÑANSA DI BEIBEL
Dios Ta Skucha Tur Orashon?
Kiko si un hende ta hasi orashon ku motibu egoista? Kiko di un hòmber ku ta maltratá su kasá i ku despues ta pidi Dios pa bendishon’é?
SIÑANSA DI BEIBEL
Nos Ta Animá Bo pa Sigui un Kurso di Beibel ku Nos
Sigui un kurso di Beibel interaktivo grátis ku un maestro.