06 EL SUOBEL
Ngmilekera Mo er Ngii a Klengar?
“[Dios] a uchelel a rokui el klengar.” (Psalm 36:9) Koumerang er tiang? A rebebil er a rechad omdasu el kmo, a klengar a di mle kiul el mo er ngii. A lsekum e tia klemerang e kid a ngar el diak a ungil el uchul. Engdi a lsekum a Jehovah el Dios a milebii a klengar, e ngngar ngii a moktek er ngii. a Molatk er a omesodel a Biblia el kirel a uchelel a klengar me a uchul me ngsebeched loumerang er ngii.
1. Ngmilekera e mo er ngii a klekedellel a melidiul?
A Biblia kmo: “Ser a lomuchel a Dios el omeob er a beluulchad ma bek el tekoi el ngar a melidiul.” (Genesis 1:1) A ruumesingd el scientist a kongei el kmo a melidiul a ngar ngii a uchelel. Ngmilekera Dios e mebii? Nguluusbech er a “Reng” er ngii el chedaol reng, el ngii a oureor el klisichel el meob a rokui el tekoi el ngar er a melidiul, luldimukl a galaxy, btuch, me a planet.—Genesis 1:2.
2. Ngera uchul me a Dios a milebii a beluulechad?
A Jehovah “dimlak le rellii [a beluulechad] el di bechachau el beluu, ng bai basio el kirir a re chad el kiei er ngii.” (Isaia 45:18) Ngrirellii a beluulechad el mo ungil basio el sebechir a rechad el kiei er ngii, e ngar ngii a rokui el tekoi lousbech e kiei er ngii el mo cherechar. (Monguiu er a Isaia 40:28; 42:5.) A science a ochotii el kmo, a beluulechad a kmal ileakl er aike el bebil er a planet. Ngdi chimo el planet el lodengelii el sebechel loltekau a klengar er a rechad.
3. Ngera rulleterir a rechad me te ngodech er a charm?
A uriul er a lebebii a beluulechad a Jehovah, e ngmileob a klengar el locha er ngii. A kot e ngmilekekii er a dellomel me a charm. E a uriul e a “Dios a milebii a chad, el rirellii a chad el okesiul a Dios.” (Monguiu er a Genesis 1:27.) Ngera rulleterir a rechad el kmal mo ileakl? Kid el rruul lokesiul a Dios a uchul me ngsebeched el olecholt a blekerdelel, el ua bltikerreng me a llemalt. Ngdirrek el milebid el ngar ngii a duch er kid el mesuub a kakerous el omelekoi, e appreciate a klebokel el tekoi, e soad ongngak. E a charm a diak el sebechel mengull er ngika el Ulemeob, me nguaisei engdi kid a sebeched.
BOM DMOLECH EL MERRITER
Molatk ochotel a kmo ngngar ngii a mle design er a klengar, me a uchul e ngsebeched el oumerang er a omesodel a Biblia el kirel a blebelel a Dios. Msuub el kmo ngngera el blekerdeled a rechad osisecheklid el kirel a Dios.
4. Ngngar ngii a mle design er a klengar
A rechad a ngmai odanges el kirel a klalo leruul el omekesiu a charm me a dellomel. Me ngtecha kirel ngmai odanges el kirel aika el original design? Momes er a VIDEO e mosaod er tia el ker.
-
Ngngera te mla remuul a rechad lomekesiu a charm?
A derta el blai a ngar ngii a chad el mle design e omekedechor. Engdi ngtecha mle design e meob a charm me a dellomel? Monguiu er a Hebru 3:4 e mosaod aika el ker:
-
Ngera el design er a blebelel a Dios a kora kmal soam?
-
Omomdasu e ngmera el sebeched el oumerang el kmo, ngngar ngii a mle design er a melidiul me a rokui el tekoi el ngar ngii? E ngera uchul me ke melekoi el uaisei?
Ke medengei el kmo ngerang?
Ngsebechem el metik a suobel me a video el kirel tiang er a jw.org el ngar cheungel a series el “Was It Designed?” me a “Viewpoints on the Origin of Life.”
“A bek el blai a ngar ngii a chad el meruul, e ngdi Dios a ngii a meruul a rokui el tekoi”
5. Ngngar ngii a kmal ungil luchul me ngsebeched loumerang er a omesodel a Biblia el kirel a ulemeob
Ngar er a 1 el bliongel er a babier er a Genesis, e ngmesaod el kirel a uchelel a beluulechad me a rokui el klengar. Ngsebeched el oumerang er ngii me a lechub, e tiang ngdi delbochel el cheldecheduch? Momes er a VIDEO e mosaod aika el ker.
-
A Biblia ngolisechakl el kmo, a beluulechad me a klengar el ngar er a chelsel a ulebeob er a chelsel a di elolem el klebesei?
-
Omomdasu a omesodel a Biblia el kirel a omebelel a rokui el tekoi ngbleketakl e sebeched el oumerang? E ngera uchul me ke melekoi el uaisei?
Monguiu er a Genesis 1:1 e mosaod er tia el ker:
-
A re scientist a kmo, a beluulechad a ngar ngii a uchelel. Ngera ke mtab er aike el bla lebetik me aike el monguiu er a Biblia?
A rebebil omdasu el kmo a Dios uluusbech er a evolution el mebii a klengar. Monguiu er a Genesis 1:21, 25, 27 e mosaod aika el ker:
-
A Biblia ngolisechakl el kmo a Dios a uluusbech er a evolution el omeob a ngikel, aike el lmuut el bebil er a charm, me a rechad? Me a lechub e ngmileob a rokui el tekoi loltirakl er a “bedengel”?
6. A rechad a ileakl er aike el rokui el blebelel a Dios
A rechad a diak el ua blebelel a Jehovah er a charm. Monguiu er a Genesis 1:26 e mosaod er tia el ker:
-
Kid el rruul el okesiul a Dios ngera ngosisecheklid el kirel a Dios, a duch er kid loubltikerreng e olecholt er a klechubechub?
A REBEBIL A KMO: “A cheldecheduch er a Biblia el kirel a blebelel a rokui el tekoi a di cheldecheduch el chelid.”
-
Ngera uldesuem? Ngera uchul me ke melekoi el uaisei?
SUMMARY
Jehovah milebii a melidiul me a rokui el klengar.
Review
-
Ngera ngolisechakl a Biblia el kirel a uchelel a rokui el tekoi?
-
A Dios nguluusbech er a evolution el mekdubech a rokui el tekoi, me a lechub e ngulemeob?
-
Ngera rulleterir a rechad me te kmal ileakl?
A LSEBECHEM E MOMES
Momes olechotel a design er a bebil el bleob.
Mesa rolel e a chedam a smodii el mora kekerei el ngelekel el sechal a cheldecheduch er a Biblia el kirel a blebelel a rokui el tekoi.
Mesa el kmo a evolution me a Biblia ngmesaod osisiu el tekoi.
“Did God Use Evolution to Create the Different Types of Life?” (Suobel el ngar er a Internet)
Morriter aike el louchais a fossil me a experiment er a science el mo mesa el kmo, a klengar ngulebeob me a lechub e ngdi mle kiul el mo er ngii.
a A 25 el suobel a mo mesaod er a moktek er a Dios el kired a rechad.
