Ngera uchul me ngungil molasem el ouchais er a rechad er a blim aike el ngar er a uldesuem? (Osi 23:26) E le Jehovah a mla omekngerachel er tir el mo omekerreu e omekrael er kau. (Psa 127:3, 4) Ngmeringel er tir a meruul er tiang a lsekum e ngdiak mouchais er tir aike el tekoi el mengesang er kau. Ngdirrek el mo diak el sebechem el ngmai a klungiolem er aike el tekoi el bla lesuub el kirel a klengar. Engdi ngmekngit a lak douchais er tir a rokui el tekoi? Ngdiak el mekngit, ngii di lak momulak er tir.​—Osi 3:32.

Ke mekera mengedecheduch er a rechad er a blim? Msikii a taem el ungil er kau me tir. A lsekum e ngmeringel obetik er a ungil taem, e ngsebechem el luchesii a babilengem el mora ta er tir el louchais aike el ngar er a rengum. Engdi ke mo mekerang a lsekum e ngsorir el mesaod er a tekoi el diak el soam? Molatk el kmo, tirka kmal di sorir el olengeseu. Me lak momes er tir el ua le cherrouem. A taem el mongoit er ngii el melasem el mo ungil chadecheduch kau me a rechad er a blim a mo klungiolem er a klemengetel a klengar er kau. Ngmo uchul a klungiolem el mo cherechar!​—Osi 4:10-12.

MOMES ER A VIDEO EL MY TEEN LIFE​—HOW CAN I TALK TO MY PARENTS? E MONGER AIKA EL KER:

• A Esther me a Partik, ngngera te mlo mtebengii el kirir?

• Ngera sebechem el suub er a kerebil a Jesus?

• Ngmekera demam me a delam e mla ochotii el kmo ngbetik a rengrir er kau?

• Ngera el omellach er a Biblia a sebechel ngosukau el mengedecheduch er a demam me a delam?