Ke mla menguiu aike el dirk mlo merek el suobel er a Ongkerongel? Me ka molasem, nglocha sebechem el onger aika el ker el beldukl er iou:

Ngera me a Jehovah a kilengei a mekemad me ngar er ngii er a taem er a rechad er a Israel?

A Jehovah a kmal betik a rengul. Engdi a lebebil e ngkongei a mekemad el ileakl sel taem el rechad a mo omtok e oldechelakl er a rechedal. Ngdi ta el Dios a melilt er ngike el mo oumekemad e tutkii a taem el lebo er ngii a mekemad.​—w15 11/1, 4-5 el llel.

Ngera meklou a ultutelel el tekoi el sebechir a ruungalek el osisecheklterir a rengeasek el ngelekir me te mo mesiou er a Jehovah?

Ngklou a ultutelel el kirir a ruungalek el mo betik a rengrir er a rengeasek el ngelekir e dirrek el mo olecholt er a klengariourreng. Ngdirrek el klou a ultutelel el kirir a ruungalek el mo oba sekutaberreng e melasem el mo ungil medengelterir a rengeasek el ngelekir.​—w15 11/15, 9-11 el llel.

Ngera uchul me a papa er a Rom a diak lomtechei er a Petrus?

A Mateus 16:17, 18 a diak lolekoi el kmo a apostol Petrus a mo bdelul a ongdibel er a Rekristiano. A Biblia a bai mesaod el kmo a Jesus a ngike el saus el bad er a ongdibel, el diak el Petrus. (1 Pe. 2:4-8)​—w15 12/1, 12-14 el llel.

Ngera el tekoi a kired el melatk er a uchei er a dongedecheduch?

Kede mo ungil el ousbech er a churad loeak sel dolatk el kmo (1) ngoingerang e ngungil el kungedecheduch (Oli. 3:7), (2) e ngera bo kdung (Osi. 12:18), me a (3) ngmekerang a kungedecheduch (Osi. 25:15).​—w15 12/15, 19-22 el llel.

Ngera bebil el diak lemelemalt el tekoi el kirir a Rekristiano el mengeroid er tir er ngii?

A remera el Kristiano a diak lomulak e lolekoi a mekngit el kirir a rebebil. Ngdiak losaod a blulak el tekoi el mo uchul a telemellir a rebebil, e dirrek el diak lekengei el mengeblad me a lechub e lorechorech.​—wp16.1, 5 el llel.

Te rua techang a “re ngarbab el prist” el medung er a Biblia?

A tekoi el “re ngarbab el prist” a mesaod el kirir tirke el chedal a telungalek er a remo prist, el uldimukl er tirke mle ngarbab el prist el mlodik el mo diak el prist.​—wp16.1, 10 el llel.

Ngmo ua ngerang a omerelled el bedul tirke el melai a klekedall er a Chedaol Belsoil?

A Rekristiano a diak el kirir el omes er tirka el chad el ua le ngarbab el chad. Me a mera el ngellitel a kmal diak el kengei er a rechad me longididai er ngii; me a lechub el soal el olecholt er ngii el kmo ngkmeed er a Dios. (Mt. 23:8-12)​—w16.01, 23-24 el llel.

Ngera kede suubii er sel rolel e a Abraham a mlo sechelil a Dios?

A Abraham a locha milsuub el kirel a Dios el okiu a Shem. Ngdirrek el mlukeroul a klemedengei er ngii er a Dios, el okiu a tekoi el leriruul el mo er ngii me a telungalek er ngii. Me kid me ngdirrek el sebeched el meruul er a osisiu el tekoi.​—w16.02, 9-10 el llel.

Ngmilekerang e mo er ngii a bliongel me a bades er a Biblia?

A chad el Stephen Langton er a rak er a 1300 a milingii a Biblia el mo betok el bliongel. E tirke el Jewish copyists a ulemuchel el remuul a bades er a Biblia el tekoi er a Hebru er sera rak er a 1600, e a chellimosk el Robert Estienne a dirrek el rirellii a Biblia el tekoi er a Grik el mo uaisei.​—wp16.2, 14-15 el llel.

A Satan, ngmera el ngiluu a Jesus el mo er a templo e mengesuseu er ngii?

Ngdiak dodengei. A Mateus 4:5 me a Lukas 4:9 a sebechel el mesaod el kmo ngdi ulekiu a ues el lulemes er ngii a Jesus, me a lechub e ngmle dechor er a kedidai el basio er a templo.​—w16.03, 31-32 el llel.

Ngokiu a ngera el rolel e a omesiunged el Kristiano a mo ua nguches?

A nguches a ousbech a taem el mo er ngii, e mengelekolt e dirrek el olsobel a klengar. Me aika el nguches a klengeltengat el mla er a Dios el mei. (Dut. 33:13) Me a blakerreng er a rechedal a Dios er a omesiungir a di ua nguches.​—w16.04,  4 el llel.