Sel donguiu er a Biblia, e ngsebeched lousbech aike el kakerous el dongu er kid el kirel a omesuub el lmuut el mo ungil medengei a tekoi el donguiu. Engdi ngdiak di donglou a klemedengei er kid er a Biblia. Ngsoad el osiik a mekreos el tekoi el kirel a Jehovah me a blekerdelel me lluut el mo klou a bltkil a rengud el mo er ngii. Ngsebeched el meruul er tiang loeak a di lekid el oker el kmo, ‘Tia el cheldecheduch er a Biblia ngera ngosisecheklak el kirel a Jehovah?’

El ua tiang, ngsebeched losiik a lmuut el betok lomesodel a blekerdelel a Jehovah er a bltikerreng, llomeserreng, llemalt, me a klisiich. Engdi ngngar ngii a lmuut el betok el kmal lungil blekerdelel a Jehovah el sebeched el mesuub el kirel. Ngsebechem el metik a lmuut el betok lomesodel aika el lmuut el bebil er a blekerdelel er ker?

Momes a list er a betok er a 50 el blekerdelel a Jehovah er a Watch Tower Publications Index. Bora “Jehovah” e momes er cheungel a “Qualities by Name.” Em research aike el blekerdelel el losaod a cheldecheduch er a Biblia el monguiu er ngii. (A lsekum e ngdi sebechem el access er a Research Guide for Jehovah’s Witnesses, e bora “Jehovah God” e momes er cheungel a “Jehovah’s Qualities.”)