A blechoel el nger er a rechad:

▪ “A ngklel a Rubak.”

▪ “Ngdiak a ileakl el ngklel.”

Ngerang dilung a Jesus?

▪ “Misei e moluluuch el ua ika el kmo: A Demmam el ngara eanged, le mechedaol a ngklem.” (Matteus 6:9) A Jesus a uluumerang el kmo a Dios a ngar er ngii a ngklel.

▪ “Ma kmla ochotii a ngklem er tir, e lmuut lolecholt er ngii, me sel bltkil a rengum er ngak le bora chelsir, me ngak kngara chelsir.” (Johanes 17:26) A Jesus a ulechotii a ngklel a Dios.

▪ “Ngdikea mluut el mesekak er chelechal mong el mo lmuut er sel mdu el kmo, Le modanges ngikal merma loba ngklel a Rubak!” (Lukas 13:35; Psalm 118:26) A Jesus a uluusbech er a ngklel a Dios.

A DIOS a di mle ngii el ochotii a ngklel er kid. Ngmillekoi el kmo: “Ngak, el di ngak el tang, a [Jehovah] el Dios er kau.” a (Isaia 42:8) Tia el ngakl el Jehovah a mloiuid el tekoi er a Hebru el mo tekoi er a Merikel el ngii a ngklel a Dios. Ngulterekokl el mo mechas a rengum sel bo modengei el kmo tia el ileakl el ngakl a debetik er ngii er a Biblia er a irechar el kuk betok a ildisel er a ngii di el ngakl el medung er a Biblia.

A rebebil a locha mo onger er a ker el kmo: “Ngtecha ngklel a Dios?” el melekoi el kmo, “Rubak.” Me tiang a di ua omonger er a ker el kmo, “Ngtechang a mlo kats er a sengkio?” e mdu el kmo, “ngike el rirurt.” Me ngdi osisiu, a nger el “Rubak” me a “ngike el rirurt” a diak el ngakl.

Ngera uchul me a Dios a ulechotii a ngklel er kid? Ngmirruul el uaisei me bo el sebeched el mo ungil el medengelii. El ua itiang, a chad a sebechel el mokedong el Rubak me a Merreder me a Chedam me a lechub e ng Demad el Rubak. Me aikang a di ochotii el kmo ngikang techa el chad el dongedecheduch er ngii. Engdi a ngklel a chad a mekltkid er aike el rokui el dodengei el kirel ngii el chad. Me ngdi osisiu, aika el dui el ua Rubak me a Cherrengelel a Klisiich me a Chedam me a Ulemeob a rokui el olecholt a omerellel me a urerel a Dios. Engdi sel ileakl el ngklel el Jehovah a mekltkid er aike el rokui el dodengei el kirel ngika el Dios. Me ke mekerang e mo ungil el medengelii a Dios a lak modengelii a ngklel?

Ngkmal klou a ultutelel el bo dodengelii e dousbech er tia el ngakl. Ngera uchul? E le a Biblia a subedid el kmo: “Tirikel rokui lomekedong ra ngklel a [Jehovah] a mosobel.”​—Rom 10:13; Joel 2:32.

[Footnote]

[Blurb er a 6 el llel]

A chad a sebechel el mokedong el Rubak me a Merreder me a Chedam me a lechub e ng Demad el Rubak. Engdi a ngklel a chad a mekltkid er aike el rokui el dodengei el kirel ngii el chad