Ngkired el Mengedecheduch er a Rua Techang el Ngar er a Eanged?
Ngkired el Mengedecheduch er a Rua Techang el Ngar er a Eanged?
A KOT EL NGARBAB E MESISIICH EL DIOS a mla oterekokl a ileakl el ngerachel el mo er a rebebil el anghel. El uaitiang, ngmilsang a ngerechelel a Jesus Kristus el mo mengedereder er a chutem, e dirrek el milsterir a ngerechelir a reblak a rengrir el anghel el mo olengeseu el omekrael er a ureor er a berkel a klumech er a ungil chais. (Chocholt 14:6) Me nguaisei, engdi a nglunguuch a kuk ngodech a rolel, e le nglunguched a kirel el di melemalt el mo er a Dios el Jehovah.
A Jehovah el Dios a ngike el ‘Orrenges a nglunguuch.’ (Psalm 65:2) Ngii a orrenges e dirrek el onger a nglunguched. A apostol Johanes a milluches el mo er a rekldemel er a klaumerang el kirel a nglunguuch el kmo: “A dolengit a ngiidi le ngeral tekoi el oltirakl a uldesuel a Dios e ngrongesii ngiil ongtid. Ma bocha dodengei el kmo a ikel dolengit a ngiidi le ngerang me le rengesid er ngii, e kede mocha medengei el kmo, a ikel dullengit ra Dios a bla de ngai.”—1 Johanes 5:14, 15.
Tirke el blak a rengrir el anghel, a kmal diak el sorir a domekedong er tir me a lechub e doluluuch el mo er tir. Te kmal ungil el medengei, e dirrek el loureor el oltirakl a blechebechel a ureor el bla leketmokl a Dios el kirel a nglunguuch, el bebil er a taem e te modurech el mo meruul a tekoi el kirel el ketmekill. El okiu a ngera el rolel? El ua itiang, sel taem er a loluluuch a profet el Daniel el mo er a Jehovah el kirel a telemellel a Jerusalem, e a Dios a ulenger er Daniel 9:3, 20-22.
a nglunguchel el uldureklii a anghel Gabriel el uleba klumech el mo melisiich er ngii.—Klemechir a Rulekoad
Kid, ngkired el melasem el mengedecheduch er a rulekoad el chad? Ngbetok el cheldecheduch a ouchais el kirir a rechad el leko te milengedecheduch er a delbengir a rulekoad el chad. El ua itiang, a redil er a Ireland a milengedecheduch er a oltuubladek, el dilu er ngii el kmo a ta el kesus er a uchei, e ngmilengedecheduch er a Fred el ngii a bechil ngika el redil er a Ireland. Me nguaisei, engdi ngika el Fred a mlad er a sesei el sandei er a uchei. Ngika el oltuubladek a melemolem el melekoi el kmo, a “Fred” a milsaod aike el tekoi el ngika el bechil a oumerang el kmo ngdi ngii el tang a medengei. Ngkmal mle beot er ngika el bechil el mo oumerang el kmo a Fred a dirk ngar e kiei er a ta er a basio e melasem el mengedecheduch er ngii el lokiu a rengodech el chad. Engdi a chouaitia el tekoi a kmal bleketakl el omtok aike el tekoi el losaod a Biblia el kirel a blekerdelir a rulekoad.—Momes er a baks er iou.
Me a leuaisei, e ngmekerang e mo sebeched el mesaod a choua ika el tekoi? A ta er a tekoi el lousbech er ngii a remekngit el anghel el mengeuid er a rechad, a meruul er tir el mo ua ngike el mla mad el chad, el di ua omeruul el mlo er a Fred. E ngerang a moktek er tir? Te melasem el mengesuseu er a rechad el mo diak loltirakl aike el osisechakl er a Biblia, e dirrek el mengitechut a klaumerang er tir el mo er a Jehovah. Me ngkmal bleketakl el kmo a Satan me a remekngit el anghel er ngii a melasem el mengeuid er a rechad el “meruul a bek el ngarngii a klisichel lurreor, ma cholangch, ma chongasireng, el blulak, ma rokuil ongetikaik ra chelebirukel el kirir tirikei el mo nguemed.”—2 Thesalonika 2:9, 10.
Me kede ungil el medengei el kmo te mera el ngar ngii a rultuubladek me a dirrek el tirke el chad el sorir el teloi er tir, el tir a rokui el oumerang el kmo te 1 Korinth 10:20, 21.
sebechir el mengedecheduch er a remla mad el chad. Engdi a klemerang el tekoi a kmo, tirke el chad el uaisei a bai mengedecheduch er a remekngit el anghel, el tir a kmal omtok er a Jehovah. Me ngdi osisiu, te ngar ngii a rechad el omdasu el kmo a omengull er tir a oldeu er a rengul a Dios, engdi te kmal cheleuid a uldesuir. A Jehovah a ulemekrael er a apostol el Paulus el mo meluches er a mesisiich el uleklatk el kmo: “A ikel loldars ar Chisentail a loldars el morar mekngit el reng, el diak loldars el mora Dios.”—Me ngngera uchul me ngsoad el meluluuch el mo er a ngodech el chad, a lsekum e kede kmal ungil medengei el kmo ngsebeched el meluluuch el mo er Ngike el Kot el Ngarbab, el ngii a kmal betik a rengul e omekerreu er kid? Me a lmuut el tang, a Biblia a meskid a bleketakl el tekingel a Jehovah el kmo: “A osengel a [Jehovah] a mekelekelii a beluulchad el rokir, me ng omesterir a klisichir tirkel blak a rengrir er ngii.”—2 Kronika 16:9.
[Blurb el ngar er a 9 el llel]
Me ngngera uchul me ngsoad el meluluuch el mo er a ngodech el chad, a lsekum e kede kmal ungil medengei el kmo ngsebeched el meluluuch el mo er Ngike el Kot el Ngarbab, el ngii a kmal betik a rengul e omekerreu er kid?
[Baks/Siasing el ngar er a 8 el llel]
Klemerang Me a Dirrek el Klsuul
KLEMERANG: A SATAN A MERA EL NGAR NGII
“A Satan me ngdirrek el meruul a teletelel el leko ngchanghel ra llomes.”—2 Korinth 11:14.
“Bo mulserechakl e di mekar. E ngikel cherrouiu el diabelong choua choteb el laion el merael el meliuekl losiik ra bo le dekeueklii.”—1 Petrus 5:8.
“Ngikel ngara klengit a mlara Diabelong el mei; ele Diabelong a mlora klengit era kot luchul.”—1 Johanes 3:8.
“Misei e molemolem ra Dios. E momtok ra diabelong me le chiis er kemiu.”—Jakobus 4:7.
“A diabelong . . . a ulemekoad rar chad ra uchul, me ngdiak el dechor ra klemerang, ele ngdiak loba klemerang. Me sel lomulak, e ngoltobed a di tikingel, ele ngbulak e demal a blulak.”—Johanes 8:44.
KLSUUL: SEL LEMAD A CHAD E NGMO ER A EANGED
“Ke mo kesib e mo meringel el oureor el omekdubech a dellomel el dimerkmo cho mluut el mor a chutem el ngii cho mlengai er ngii. Ele kau a ulebeob er a chutem, me ke lmuut el mo chutem.”—Genesis 3:19.
“A re chad a medengei el kmo te mo mad, e ngdi rulekoad a diak a ngeral lodengei.”—Olisechakl 9:5.
“A ngii di le ngerang el bo moruul er ngii, msisichau el rullii, e ng diak le bor ngii a ureor ma uldasu ma lechub e ng klemedengei ma lechub e le llomeserreng er a beluu er a kodall [a debull] el kau a mor ngii.”—Olisechakl 9:10.
“Sel le mad e ng moluut el mor a chutem; isei e a rokui el uldesuel a mo mekimd.”—Psalm 146:4.
KLEMERANG: A REBLAK A RENGRIR EL ANGHEL A OMEKERREU ER KID
“A anghel er [a Jehovah] a mengkar er tirkel meluu er [Ngii] e sobecheklterir er a kdekudel.”—Psalm 34:7; 91:11.
“Ar anghel el rokui ngdiak el tirikel mesiou el reng el mlodurch el mo mesiou el kirir tirikel chad el kirir el mo mediukes er cholsobel?”—Hebru 1:14.
“E sola e ak milsa kuk tara anghel el suebek ra milidiul, el oba diak a ullebengelel evangkelio el kirel omerk er ngii el mor tirikel kiei ra belulechad, el bek el renged, ma kebliil rar chad, ma chomelekoi, ma bliongel rar chad; e mellekoi el klou a ngerel el kmo, ‘Bo medakd ra Dios e bsa klebkall.’”—Chocholt 14:6, 7.
KLSUUL: A JESUS A DI OSISIU NGII ME A DIOS
“Ngsoak cho bo modengei el kmo, a bderrir ar bek el sechal a Kristus, ma bdelul a redil a sechal, ma bdelul a Kristus a Dios.”—1 Korinth 11:3.
“E sola ma rokuil tekoi sel le bocha le chederdall ra Dios, e a Ngalek me ngdirrek el mo chederdall er ngikel riruul a rokuil tekoi el mo chederdellel, el kirel ma Dios bo le rokuil tekoi ra chelsir a rokuil chad.”—1 Korinth 15:28.
“Ak kmal meral dmu er kemiu el kmo, a Ngalek a lak lomes a loruul a Demal e loruul e ngdiak el sebechel di ngii el remuul a ngerang.”—Johanes 5:19.