Uchei er a lengasech el mo er a eanged a Jesus Kristus er a rak er a 33, e ngtilbir el mong e lmuut el mei. Ngulemekesiu er ngii el mo er a ngarbab el chad el mlo er a ta er a beluu el kemanget el taem e liluut el me remei el oba klisiich el mo mengedereder el king. A uchul me a Jesus a lmuut el mei a mo omsang a klechad a ungil el kabelment.​—Monguiu er a Lukas 19:11, 12.

Ngua ngera bedengel a Kristus sel lluut el mei? Ngmilekiis er a kodall el mesisiich el anghel. (1 Petrus 3:18) E sola e mlo er a eanged e mlo dengchokl er a kadekmel a Dios. (Psalm 110:1) A betok el rak er a uriul, e a Jesus a mlo er medal a Jehovah el Dios, el “ngikel mle ngar er a irechar el mei,” el milsang a Jesus a klisiich el mo mengedereder er a klechad. Me a Jesus a lmuut el mei el diak el ua chad, e ngbai diak lemoues el King.​—Monguiu er a Daniel 7:13, 14.

A Jesus a diak lemoues sel lemei el obengterir a rechanghel er ngii el mo oukerrekeriil er a klechad. Ngmo okngemedeterir a remekngit el chad e mo omesterir tirke el kongei er ngii el King a diak a ulebengelel el klengar.​—Monguiu er a Mateus 25:31-33; Psalm 37:9-11.

A omengederederel a Jesus el King a mo meltii tia el chutem el mo paradis. Ngmo olekiis er a rulekoad me bo el sebechir el oldeu a rengrir er a klengar el ngar er a Paradis el chutem.​—Monguiu er a Psalm 37:29; Johanes 11:25.