A Nger er Aike el Ker er a Biblia
Ngerang mo meruul er ngii a Jesus er a ngar medad el klebesei?
Sera rak er a 33, e a Jesus a mlad, e milekiis er a kodall, e ngilasech el mo er a eanged. E a uriul, e a Jesus a ngiluu a klisichel omerreder el mo mengedereder el King. (Daniel 7:13, 14) A ngar medad el taem, e a Jesus el King a mo rullii a budech er a beluulechad e mo torob a chelebuul.—Monguiu er a Psalm 37:11; 72:13.
A Jesus el King a mo kikidii tia el chutem er a chelebirukel el omeruul
A Jesus a mo meruul a mengasireng el tekoi sel lebo Longedereder er a klechad. Ngmo ousbech er sel klisiich el lebilsa Demal el rulleterir a rechad el lmuut el mo cherrungel. Te mo oldeu a rengrir er a klengar el ngar er a chutem el diak bo lechuodel e lemad.—Monguiu er a Johanes 5:26-29; 1 Korinth 15:25, 26.
Ngerang meruul er ngii a Jesus er chelecha el taem?
Chelecha el taem, e a Jesus a omekrael er a ureor er a berkel a klumech er a remera el oltirakl er ngii el meliuekl er a beluulechad el rokir. Te oldingel er a rechad el olecholt er tir a tekoi el lolekoi a Biblia el kirel a Rengedel a Dios. A Jesus a dilu el kmo ngmo melemolem el omtebechel er a urerir a redisaiplo er ngii el mo lmuut er sel taem el Rengedel a Dios a mo okngemed a kabelment er a klechad.—Monguiu er a Mateus 24:14; 28:19, 20.
Me ngokiu a mera el ongdibel er a Rekristiano, e a Jesus a omekrael er a rechad el mo er a ungil el klengar. Ngmo melemolem el omekrael er tir el mo lmuut er a taem el lemokngemed tia el blekeradel er a beluulechad e bo lesiseb er sel beches el beluulechad el bla letibir a Dios.—Monguiu er a 2 Petrus 3:7, 13; Ocholt 7:17.
