A Biblia a kmo: “A chad a di kedeb a klengar er ngii e betok a ringelel.” (Job 14:1) Me a rokui el chad a di chelebangel a kakerous el mondai er tir. Engdi a rebebil a omdasu el kmo ngdiak el sebechel el mo ungil a klengar er tir, el ua lengar er a kmal milkolk el basio el dikea omeltkir el kirel a ngar mederir el klebesei. Me kau nguaisei a uldesuem? A lsekum nguaisei, e bo leklou a rengum e le ngar er ngii a mera el omelatk el losaod er ngii a Biblia, el sebechel el mo uchul a klungiolem me a dirrek el rokui el chad. El ua tiang:

• A Biblia a meketeklii sel di mla moktek er a Jehovah el Dios el kirel a klechad.​—Genesis 1:28.

• A Jehovah el Dios a mla tibir el kmo ngmo rullii tia el chutem el mo baradis.​—Isaia 65:21-25.

• Tia el telbiil a ulterekokl el mo tmaut. A Ocholt 21:3, 4 a kmo:

  “A blil a Dios a ngar a delongelir a re chad! Ng mo kiei el obengterir me tir a mo chedal. A Dios a ngii a mo obengterir, e mo Dios er tir. Ng mo smuld a rokui el chiuosech er a mederir. Ng dikea lluut el mor ngii a kodall, e mo diak a klengiterreng, ma langel, ma ringel. A di mla tekoi a mla mo diak.”

  Tia el omelatk a diak leua berrous el tekoi. E le Jehovah el Dios a ulterekokl el mo otutii tia el telbilel, e ngar er ngii a klisichel me a urungulel el soal el meruul er ngii. Ngsebeched el ultuil a klaumerang er kid er tia el omelatk, el ngii a meskid a nger er sel ker el kmo: “Ngera ultutelel me ak chad?”

LAK MOBES: Me alta e a uldesuem a rullau me ngua cho mngar er a meringel el daob, engdi a omelatk el losaod er ngii a Biblia a mo ua okul a bilsengem el mtebechelau me ke chelellakl.

A TEKOI EL SEBECHEM EL MERUUL ER CHELECHANG: Momuchel el mesuub er a Biblia me bo modengei a lmuut el betok el kirel tia el omelatk. A Resioning er a Jehovah a dmeu a rengrir el ngosukau. Ngsebechem el mengedecheduch er a ta er tir me a lechub e ke mo er sel Web site er tir el jw.org/pau. *