A NGER ER AIKE EL KER ER A BIBLIA

A klengit ngmla er ker el mei?

A ruumesingd el chad a sorir el meruul a budech me a llemalt. Me ngera uchul me kede di omes e orrenges a chisel a betok el uldikel me a chelebirukel me a koadelchad? Kele lengar er ngii a chad el melasem el meruul er kid el mo soad el meruul a mekngit el tekoi?​—Monguiu er a 1 Johanes 5:19.

Me a Dios, ngulemeob er a rechad el ngar er ngii a mekngit el uldesuir? Ngdiak, a Jehovah el Dios a milebid el okesiul me ngar er ngii a blekerdeled el soad el oukerebai er a bltkil a rengul. (Genesis 1:27; Job 34:10) Engdi ngdirrek el milskid a ilmekled el di kid el melilt a tekoi. Me sera bo lomtok tirke el kot el demad me a delad e te ultngeklii a Dios me te mlo diak el mecherrungel. Me ngokiu tir e kede rokui el mlo oudiukes er a blekeradel el soad el mo meruul a mekngit.​—Monguiu er a Duteronomi 32:4, 5.

A mekngit el omeruul ngdi melemolem?

A Dios a kmal soal a dongeroid er kid er a mekngit. (Osisechakl 27:11) Me ngolisechakl er kid el mo mengeroid er kid er a mekngit e mo medengelii a rolel a mera el deurreng. Engdi chelecha el taem e ngdirkak bo el sebeched el cherrungel el oukerebai er a bltkil a rengul.​—Monguiu er a Psalm 32:8.

Me a Dios a mla mechei a mekngit el omeruul me ngmelemolem el me lmuut er chelechang me bo el sebechir a rokui el chad el omes a telemellel. (2 Petrus 3:7-9) Engdi ngdi telkib e tia el beluulechad a mo mui er a rechad el dmeu a rengrir el olengesenges er a Dios.​—Monguiu er a Psalm 37:9-11.

A lsoam a lmuut el omesodel, e momes er a 3 el bliongel er tia el babier, Ngerang Mera el Lolisechakl a Biblia?, el mirruul er a Resioning er a Jehovah

Ngdirrek el ngar er ngii er a www.dan124.com/pau