Gott vill havva es leit layva enjoya uf di eaht. Veil eah leevi hott fa mensha, hott eah di eaht gmacht un alles es druff is. Glei, zayld eah du vass’s nemd fa sacha bessah macha fa leit gans ivvah di veld. Ennich ebbes es mensha soffahra macht zayld eah vekk nemma.​—Lays Jeremia 29:11.

Kenn government hott selayva en end bringa kenna zu violence, grankeda, adda da doht. Avvah ayns funn di goodi sacha es Gott sawkt is, eah zayld glei awl di mensha governments replaysa mitt sei aykna government. Alli ebbah unnich Gott sei government zayld ksund sei un fridda havva.​—Lays Jesoiya 25:8; 33:24; Daniel 2:44.

Soffahres zayld nett ufheahra biss Gott di eaht butzt funn awl gottlohsi leit. (Zephania 2:3) Vann zayld dess blatz nemma? Gott Sei Vatt hott ksawt ebdihand funn di sacha es am mensha shawda du sinn nau. Di shlimmi sacha es am ohgay sinn grawt nau, veist es Gott glei ebbes du zayld diveyya.​—Lays 2 Timotheus 3:1-5.

Miah sedda lanna veyyich Gott funn sei Vatt, di Bivvel. ’S is vi en breef funn en faddah es feel leevi hott fa em. ’S sawkt vi fa’n bessah layva havva nau un vi ma layva kann fa’immah uf di eaht noch dee zeit. Dayl leit zayla nett gleicha es du am hilf greeya bisht fa di Bivvel fashtay. Avvah vass Gott fashprocha hott fa noch dee zeit, is zu goot fa nett oh’halda lanna.​—Lays Shpricha 29:25; Di Offenbarung 14:6, 7.