Da Adam un di Ayfaw henn kinnah katt, un glei voahra feel leit uf di eaht. Mitt zeit sinn samm engel, mitt da Satan, geyyich Gott gedrayt.

Si sinn uf di eaht kumma un henn sich zu mansleit gedrayt, so es si veibsleit heiyahra kenna. Di kinnah es geboahra voahra zu dee veibsleit voahra oahrich grohs, fierce, un shtaut.

Di eaht is foll vadda mitt leit es veeshti sacha gedu henn. Di Bivvel sawkt: “Da HAH hott no ksenna vi grohs es di ungerechtichkeit voah in mensha uf di eaht, un es iahra gedanka fumm hatz yusht evil voahra di gans zeit.”

Da Noah voah en goodah mann. Jehova hott da Noah ksawt eah zayld di leit es evil sinn umbringa mitt en sindfloot, or flood.

Gott hott aw da Noah ksawt fa en oahrich macha un fa sei family un alli sadda animals nei nemma.

Da Noah hott di leit gvand es di sindfloot am kumma is, avvah si henn nett abkeicht. Samm henn glacht ivvah da Noah; anri henn een kast.

Vo di oahrich moll faddich voah, hott da Noah di animals nei gnumma.